Ilezi 57:1-11
Ro se ọnọ o wuzou ile na; orọ ekporo “Whọ Rehọ Kpohọ Ọraha Ha.” Orọ Devidi. Miktam.* Okenọ ọ dhẹ nyai dhere eghogho-utho fiki Sọl.+
57 Rri omẹ aro, O Ọghẹnẹ, rri omẹ aro,Keme whẹ mẹ dhẹ bru ze re mẹ zọ,+Yọ otọ ibekpe ra mẹ dhẹ ro bẹsenọ ebẹbẹ na e rẹ vrẹ.+
2 Me bo se Ọghẹnẹ, Ọnọ Ọ Mai Kpehru na,Ọghẹnẹ uzẹme na, ọnọ o ti kpe ai no kẹ omẹ.
3 O ti vi obufihọ no obọ odhiwu ze ti siwi omẹ.+
Ọ te raha omaa ọnọ o bi gbakọ họ omẹ na. (Silah)
Ọghẹnẹ o ti vi uyoyou riẹ nọ o rẹ hiẹ hẹ na ze gbe ọtẹruo riẹ.+
4 Ikpohrokpo e wariẹ omẹ* họ;+O gbahọ nọ me re kiẹzẹ udevie ahwo nọ a be gwọlọ re omẹ no,Enọ ibiakọ rai e wọhọ izuẹ gbe eseNọ ẹrọo rai ọ wọhọ ọgbọdọ ọdada.+
5 Jọ orro ra u kpehru vi idhiwu na, O Ọghẹnẹ;Jọ oruaro ra o vọ otọakpọ na soso.+
6 A ruẹrẹ ẹriri họ rọ kpahe ẹta re o mu awọ mẹ;+Idhọvẹ e lẹliẹ omẹ* gbuzou hotọ.+
A tọ ọgọdọ fihọ obaro kẹ omẹ,Rekọ ae ọvo a te kie fihọ iẹe.+ (Silah)
7 Udu mẹ o rrọ kothi, O Ọghẹnẹ,+Udu mẹ o rrọ kothi.
Mẹ te so ile je kporo ile.
8 Kparoma, orro mẹ.
Kparoma, O akpata-ifi; te owhẹ re, O akpata.
Mẹ te kpama nọ oke o tẹ nwane ke no.+
9 Me ti jiri owhẹ evaọ udevie ahwo na, O Jihova;+Mẹ te so ile jiri* owhẹ evaọ udevie erẹwho na.+
10 Keme uyoyou ra nọ o rẹ hiẹ hẹ na o rrọ ruaro, u kpehru te idhiwu na,+Yọ ọtẹruo ra o kpehru te ihru na.
11 Jọ orro ra u kpehru vi idhiwu na, O Ọghẹnẹ;Jọ oruaro ra o vọ otọakpọ na soso.+
Eme-Obotọ
^ Hayo “Me ti kporo ile kẹ.”