Ilezi 64:1-10
-
Thọ omẹ no obọ ahwo nọ a dhere
-
“Ọghẹnẹ ọ te sa ae” (7)
-
Ro se ọnọ o wuzou ile na. Ole Devidi.
64 Yo urru mẹ, O Ọghẹnẹ, nọ mẹ be lẹ owhẹ na.+
Siwi uzuazọ mẹ no idudu ọwegrẹ na.
2 Thọ omẹ no omaa nọ ahwo omuomu a be lẹlẹ ma na,+Rono ogbotu ahwo nọ a bi ru oware uyoma.
3 A thọ ẹrọo rai fihọ wọhọ ọgbọdọ;A rẹ ma eme edada rai wọhọ ese,
4 Re a sa ohwo nọ o ru oware ovo thọ họ na no oria idhere rai ze;A sa riẹ idudhe, ababọ ozọ.
5 A ruabọhọ omaa umuomu rai;*A be ta kpahe epanọ a rẹ rọ ko eta rai dhere.
A be ta nọ: “Ono ọ rẹ te ruẹ e rai?”+
6 A be gwọlọ idhere ekpokpọ nọ a re ro ru oware uyoma;A rẹ lẹlẹ ma omaa ẹghẹ rai;+Iroro nọ e rrọ omomọvo rai udu i diwi thesiwa.
7 Rekọ Ọghẹnẹ ọ te sa ae;+Idudhe na, ose o vẹ te nwa ae oma.
8 Ẹrọo obọrai o te wha ekie rai ze;+Enọ i bi rri rai kpobi a ti nuhu uzou rai.
9 Kẹsena ozọ u ve ti mu ahwo kpobi,A ve ti whowho oware nọ Ọghẹnẹ o ru no,Yọ a ti wo otoriẹ iruẹru riẹ ziezi.+
10 Okiẹrẹe na ọ te ghọghọ fiki Jihova jẹ dhẹ bru ei ze re ọ zọ;+Enọ udu rai u kiete kpobi a te ghọghọ.*
