Ilezi 7:1-17
-
Jihova yọ Obruoziẹ okiẹrẹe
-
“Bruoziẹ mẹ, O, Jihova” (8)
-
Ole uweri nọ Devidi ọ so kẹ Jihova kpahe eme Kush ohwo orua Bẹnjamin.
7 O Jihova Ọghẹnẹ mẹ, whẹ họ oria adhẹzọ nọ mẹ dhẹ ro.+
Siwi omẹ no obọ ahwo nọ a bi kpokpo omẹ kpobi re whọ thọ omẹ.+
2 O gbẹ rrọ ere he, a te va omẹ* ekekẹ wọhọ epanọ okpohrokpo o re ru na,+A vẹ te wọ omẹ vrẹ ababọ ohwo ọvo nọ o re siwi omẹ no obọ rai.
3 O Jihova Ọghẹnẹ mẹ, otẹrọnọ me ru thọ evaọ onana,Otẹrọnọ me ru umuomu jọ,
4 Otẹrọnọ me ru ohwo nọ o bi ru ewoma kẹ omẹ thọ,+Hayo otẹrọnọ mẹ kwa eware ewegrẹ mẹ rehọ gheghe gheghe,*
5 Jọ ọwegrẹ o le omẹ je le omẹ mu;Jọ o thihi omẹ* nyaotọ ẹkpẹJe ru re orro mẹ o raha muotọ. (Silah)
6 Rọ evedha kparoma, O Jihova;Kpama re whọ họre ewegrẹ mẹ nọ ofu ọ rrọ eva;+Kpama fiki mẹ, je ru re a bru uvioziẹ.+
7 Jọ erẹwho na a wariẹ owhẹ họ;Whọ vẹ te họre ae no obọ ehru ze.
8 Jihova o ti bruoziẹ ahwo na.+
Bruoziẹ mẹ, O Jihova, wọhọ epaọ ẹrẹreokie mẹJẹ wọhọ epaọ ẹgbakiete mẹ.+
9 Ivie ru re iruẹru imuomu ahwo omuomu i kuhọ.
Rekọ ru re ikiẹrẹe na i dikihẹ,+Keme whẹ yọ Ọghẹnẹ okiẹrẹe+ nọ ọ be kiẹ idu+ gbe iroro ididi obeva riwi.*+
10 Ọghẹnẹ họ ojese mẹ,+ Osiwi enọ udu rai u kiete.+
11 Ọghẹnẹ yọ Obruoziẹ okiẹrẹe,+Ọghẹnẹ o bi whowho oziẹobro* riẹ kẹdẹ kẹdẹ.
12 Otẹrọnọ ohwo jọ ọ rọwo kurẹriẹ hẹ,+ Ọ rẹ thọ ọgbọdọ riẹ;+Ọ rẹ vẹ uze riẹ jẹ ruẹrẹ iẹe kpahe.+
13 Ọ rẹ ruẹrẹ ekwakwa ikpakpe riẹ họ;Ọ rẹ ruẹrẹ ese riẹ nọ e be ware erae kpahe.+
14 Rri ohwo nọ o dieva umuomu họ;Ẹme-ọgwọlọ ọvo ọ vọ riẹ eva, yọ erue o ti yẹ.+
15 Ọ tọ ọgọdọ, ọ tọ riẹ kokodo,Rekọ o te kie fihọ ọgọdọ nọ ọye ọvo ọ tọ na.+
16 Omaa uyoma riẹ na u ti ghelie zihe fihọ iẹe uzou;+Ozighi riẹ o ti kie fihọ oko uzou riẹ.
17 Me re jiri Jihova rọkẹ uvioziẹ riẹ;+Mẹ te so ile jiri* odẹ Jihova+ Ọnọ Ọ Mai Kpehru na.+
Eme-Obotọ
^ Hayo o sae jọ nọ, “Mẹ tẹ kẹ ohwo nọ ọ be wọso omẹ gheghe gheghe uvẹ.”
^ Evaọ Hibru, “uzuazọ mẹ.”
^ Hayo “dawo idu gbe ibieku na.”
^ Hayo “gbolo obrukpe.”
^ Hayo “Me ti kporo ile kẹ.”