Ilezi 76:1-12
Ro se ọnọ o wuzou ile na; onọ a rẹ rọ ekpata-ifi kporo. Olezi Esaf.+ Ole.
76 A riẹ Ọghẹnẹ evaọ Juda;+Odẹ riẹ o rrọ ruaro evaọ Izrẹl.+
2 Uwou riẹ o rrọ Salẹm,+Yọ oria nọ ọ be rria o rrọ Zayọn.+
3 Etẹe o jo wiri ese nọ a rọ uze sa nọ e be ware erae,*Ojese na avọ ọgbọdọ na gbe ekwakwa ẹmo na.+ (Silah)
4 Who bi lo nwranwranwra;*Whọ rro vi igbehru nọ erao ijihẹ e rẹ jọ mu erao.*
5 A kwa eware ahwo nọ e gudu rehọ no.+
A kie ruọ owezẹ no;Egbaẹmo na kpobi a gbe wo ẹgba ha.+
6 Fiki ọwhọkuo ra, O Ọghẹnẹ Jekọp,Ọnọ ọ be dhẹ akẹkẹ na te anyenya na a kie ruọ owezẹ udidi no.+
7 Whẹ ọvo họ ọnọ o re mu ọwhewhe.+
Ono ọ rẹ sae rọ oma za ofu ọgaga ra?+
8 Who whowho oziẹ nọ who bru evaọ obọ odhiwu;+Ozọ u mu otọakpọ na o tẹ fọ rirẹ+
9 Okenọ Ọghẹnẹ ọ kpama re o bruoziẹ,Re o siwi enọ e be romakpotọ evaọ otọakpọ na.+ (Silah)
10 Keme ofu ohwo-akpọ o te wha ujiro se owhẹ evaọ ukuhọ riẹ;+Who ti ru nọ ofu nọ o kiọkọ ae eva o te rọ wha orro se owhẹ.*
11 Wha ya eyaa kẹ Jihova Ọghẹnẹ rai re wha jẹ hwa eyaa na,+Jọ enọ e kẹle riẹ a rehọ okẹ rai ze avọ ozọ.+
12 O ti hrẹ isu na kpotọ re a siọ omorro ba;*Ọ rẹ whẹ ozọ họ ivie otọakpọ na oma.
Eme-Obotọ
^ Hayo “ese nọ e be fia ze nwronwronwro.”
^ Hayo “Elo o ruru owhẹ.”
^ Hayo “Whọ rro vi igbehru erao ijihẹ.”
^ Hayo “whẹ erru họ owhẹ oma.”
^ Hayo “O ti hrẹ omorro isu na kpotọ”
