Ilezi 80:1-19
Ro se ọnọ o wuzou ile na; onọ a ruẹrẹ ekporo riẹ họ lele “Idodo Obọ Ẹwọ.” Ekareghẹhọ. Orọ Esaf.+ Ole.
80 O Othuru-Igodẹ Izrẹl, gaviezọ,Whẹ ọnọ o bi su Josẹf nwane wọhọ epanọ a re su uthuru erao.+
Whẹ ọnọ ọ keria agbara-uvie evaọ ehru* chẹrub+ na,Lo via.*
2 Jọ aro Ifremu gbe Bẹnjamin avọ ManasẹDhesẹ ogaga ra via;+Nyaze ti siwi omai.+
3 O Ọghẹnẹ, zihe omai ze;+Jọ ovao ra u lo fihọ omai, re ma wo esiwo.+
4 Jihova Ọghẹnẹ olori egbaẹmo, ẹvẹ who re gbolo ovao kẹ* elẹ ahwo ra kri te?+
5 Irui-oviẹ họ ebrẹdi nọ whọ rọ kẹ ae re,Yọ who ru rai da irui-oviẹ buobu.
6 Whọ kuvẹ re ahwo okegbe mai a whọ fiki ẹkwotọ mai;Ewegrẹ mai a bi se omai ẹkoko epanọ u je rai.+
7 O Ọghẹnẹ olori egbaẹmo, zihe omai ze;Jọ ovao ra u lo fihọ omai, re ma wo esiwo.+
8 Whọ rehọ evaene+ no Ijipti ze.
Who le erẹwho na no, whọ tẹ kọe.+
9 Whọ gbẹ oria jọ kẹe,O tẹ ta awọ ruọ otọ jẹ rro ruru otọ na.+
10 Uwoho* riẹ u ruru igbehru na,Yọ egha riẹ i ruru ire sida Ọghẹnẹ.
11 Egha riẹ i te ugbo obọ abade na,Egha riẹ i te obọ Ethẹ na.*+
12 Fikieme who ro kporo igbẹhẹ itho ọgbọ evaene na kuotọ,+Nọ ahwo kpobi nọ a be nyavrẹ a be rọ kọrọ ibi riẹ?+
13 Isi ẹwọ nọ e rrọ owhawho na a be raha iẹe,Yọ erao obọ ẹwọ na a be re iẹe.+
14 O Ọghẹnẹ olori egbaẹmo, ivie zihe ze.
Rri no obọ odhiwu ze re whọ ruẹ!
Rẹrote evaene nana,+
15 Ure* nọ whọ rọ obọze ra kọ,+Re who je rri ọmọzae ra* nọ who ru goma re o wha orro se owhẹ.+
16 A rọ erae mahe iẹe+ je koi fihọ otọ.
A whu fiki ọwhọkuo ra.*
17 Ivie fiobọhọ kẹ ọzae nọ ọ rrọ obọze ra,Rọkẹ ọmọ ohwo nọ who ru goma re o wha orro se owhẹ.+
18 Re ma gbẹ nyase owhẹ ba ha.
Sẹro uzuazọ mai, re ma ruẹsi se odẹ ra.
19 O Jihova Ọghẹnẹ olori egbaẹmo, zihe omai ze;Jọ ovao ra u lo fihọ omai, re ma wo esiwo.+
Eme-Obotọ
^ Hayo o sae jọ nọ, “udevie.”
^ Hayo “Dhesẹ elo ra via.”
^ Evaọ Hibru, “kuye iwiri kẹ.”
^ Hayo “Edhedhẹ.”
^ Koyehọ, Yufretis.
^ Hayo “Ugbe evaene na.”
^ Hayo “ogha.”
^ Evaọ Hibru, “ọwhọkuo ovao ra.”
