Ilezi 84:1-12
Rọkẹ ọnọ o wuzou ile na; lele Gitit.* Orọ emezae Kora.+ Ole.
84 Rri epanọ uwou-udhu ulogbo ra u woma te,*+O Jihova olori egbaẹmo!
2 Me* wo isiuru kẹe gaga,Ẹhẹ, isiuru na i kpe omẹ no,Enọ me wo kẹ ighẹ Jihova.+
Udu mẹ gbe uwo-oma mẹ i bi bo ubo oghọghọ kẹ Ọghẹnẹ nọ ọ rrọ uzuazọ na.
3 Makọ ọvra dede o wo uwou evaọ etẹeArata ọ bọ uwou fihọ etẹe kẹ omariẹ,Oria nọ ọ rẹ jọ rẹrote emọ riẹKẹle agbada-idhe ologbo ra, O Jihova olori egbaẹmo na,Ovie mẹ gbe Ọghẹnẹ mẹ!
4 Jọ eva e were enọ e be rria uwou ra!+
A ruabọhọ bi jiri owhẹ.+ (Silah)
5 Jọ eva e were ahwo nọ a rẹroso owhẹ rọkẹ ẹgba,+Enọ udu rai o gwọlọ nọ a rẹ nya edhere nọ o bi su kpohọ uwou ra.*
6 Nọ a tẹ be nya Ukiekpotọ Beka* vrẹ,A re rri rie wọhọ oria iyeri-ame;Yọ iso ọsosuọ na e rẹ rehọ eghale gọe ẹgọ.*
7 A te ruabọhọ nya ọvo yọ ẹgba ọ be ruọ ae oma;+Ae omomọvo ọ te nyaziọ aro Ọghẹnẹ evaọ Zayọn.
8 O Jihova Ọghẹnẹ olori egbaẹmo, yo olẹ mẹ;Gaviezọ, O Ọghẹnẹ Jekọp. (Silah)
9 Rri, O ojese+ mai gbe Ọghẹnẹ mai,*Rri ovao ọnọ who wholo na.+
10 Keme ẹdẹ ọvo evaọ ighẹ ra o woma vi edẹ odu (1,000) evaọ oria ofa kpobi!+
Mẹ salọ nọ me re dikihẹ unuẹthẹ uwou Ọghẹnẹ mẹUkpenọ mẹ rẹ rria iwou-udhu irumuomu.
11 Keme Jihova Ọghẹnẹ yọ ọre+ gbe ojese;+O re rri ahwo aro jẹ kẹ oruaro.
Jihova ọ rẹ siọ oware uwoma ba eru huRọ kẹ enọ e be nya evaọ ẹgbakiete.+
12 O Jihova olori egbaẹmo,Jọ eva e were ohwo nọ o fievahọ owhẹ.+
Eme-Obotọ
^ Hayo “Rri epanọ me you uwou-udhu ulogbo ra ga te!”
^ Hayo “Enọ i fi udu rai họ idhere ilogbo na.”
^ Hayo “ukiekpotọ ire beka.”
^ Hayo o sae jọ nọ, “Yọ owuhrẹ na ọ rehọ eghale wowo omariẹ.”
^ Hayo o sae jọ nọ, “Rri ojese mai, O Ọghẹnẹ.”
