Ilezi 85:1-13
Rọkẹ ọnọ o wuzou ile na. Orọ emezae Kora.+ Ole.
85 Whọ re ẹkwotọ ra ohrọ, O Jihova;+Whọ rehọ emọ Jekọp nọ a mu kpohọ igbo zihe ze.+
2 Whọ rọ iruthọ ahwo ra vrẹ rai;Whọ rọ izieraha rai kpobi vrẹ rai.*+ (Silah)
3 Whọ gba ofu ra kpobi;Whọ siọ ofu ọgaga nọ o je mu owhẹ ba.+
4 Zihe omai ze,* O Ọghẹnẹ esiwo mai,Re whọ siọ eva ba ẹdha kẹ omai.+
5 Kọ who ti mu ofu kẹ omai bẹdẹ bẹdẹ?+
Kọ whọ te dha eva no oge ruọ oge?
6 Kọ whọ gbẹ te wariẹ ru omai dhidhi aro viRe ahwo ra a ruẹse ghọghọ fiki ra?+
7 Dhesẹ uyoyou ra nọ o rẹ hiẹ hẹ kẹ omai, O Jihova,+Re who siwi omai.
8 Mẹ te gaviezọ kẹ ẹme nọ Jihova Ọghẹnẹ uzẹme na ọ ta,Keme ọ te ta ẹme udhedhẹ kẹ ahwo riẹ,+ enọ e be talamu ei,Rekọ, jọ a wariẹ fievahọ omobọ rai hi.*+
9 Esiwo riẹ ọ ginẹ kẹle enọ e be dhozọ riẹ,+Re oruaro riẹ o sae jọ ẹkwotọ mai.
10 Uyoyou nọ o rẹ hiẹ hẹ avọ ọtẹruo e te nyaku ohwohwo;Ẹrẹreokie avọ udhedhẹ e te viọlọ ohwohwo.+
11 Ọtẹruo ọ te dhẹ no otọakpọ na ze,Yọ ẹrẹreokie o ti rri no obọ odhiwu ze.+
12 Ẹhẹ, Jihova ọ te kẹ omai oware nọ u woma,*+Yọ otọ mai u ti wou eware.+
13 Ẹrẹreokie ọ te nya evaọ aro riẹ+Jẹ gbẹ edhere kẹ ithihi awọ riẹ.
Eme-Obotọ
^ Evaọ Hibru, “Who ruru izieraha rai kpobi.”
^ Hayo “Koko omai họ zihe ze.”
^ Hayo “dhesẹ uruemu ababọ ezọ-edawọ họ.”
^ Hayo “ọruẹriọ; ẹvi.”