Ilezi 9:1-20
Ro se ọnọ o wuzou ile na; lele Mut-labẹn* na. Ole Devidi.
א [Alẹf]
9 Mẹ rẹ rọ eva* mẹ kpobi jiri owhẹ, O Jihova;Mẹ rẹ ta kpahe iruo igbunu ra kpobi.+
2 Mẹ rẹ ghọghọ jẹ wereva fiki ra;Mẹ te so ile jiri* odẹ ra, O Ọnọ Ọ Mai Kpehru.+
ב [Bet]
3 Nọ ewegrẹ mẹ a te kuomarẹriẹ,+A ti zoruẹ je whu no aro ra.
4 Keme who dikihẹ kẹ omẹ whọ tẹ thọ omẹ fikinọ mẹ riẹ ru;Whọ keria agbara-uvie ra bi guẹdhọ* nọ o kiẹrẹe.+
ג [Gimẹl]
5 Whọ whọku erẹwho+ jẹ raha irumuomu na,Who te voro odẹ rai no bẹdẹ bẹdẹ.
6 A raha ọwegrẹ na no bẹdẹ bẹdẹ;Who vi ikpewho rai no otọ,A gbẹ te kareghẹhọ ai ofa ha.+
ה [He]
7 Rekọ Jihova ọ keria agbara-uvie bẹdẹ bẹdẹ;+Ọ rehọ agbara-uvie riẹ vi no kẹ uvioziẹ.+
8 Ọ te rọ ẹrẹreokie bruoziẹ akpọ* na;+O ti bruoziẹ nọ o kiẹrẹe kẹ erẹwho na.+
ו [Whọọ]
9 Jihova ọ te jọ oria adhẹzọ* nọ o foma kẹ enọ a bi kienyẹ,+Oria adhẹzọ nọ o foma evaọ oke idhọvẹ.+
10 Enọ e riẹ* odẹ ra a ti fievahọ owhẹ;+Whọ te nyasiọ enọ e be gwọlọ owhẹ ba vievie he, O Jihova.+
ז [Zayin]
11 So ile jiri Jihova, ọnọ ọ be rria Zayọn na;Ta eware nọ o ru via evaọ udevie ahwo na.+
12 Keme Ọnọ ọ rẹ kioja azẹ rai ọ be kareghẹhọ ae;+Ọ rẹ kpairoro vrẹ oviẹ ahwo nọ a be reoja ha.+
ח [Hẹt]
13 Rri omẹ aro, O Jihova; rri oja nọ ahwo nọ a mukpahe omẹ a bi gbe kẹ omẹ,Whẹ ọnọ ọ wọ omẹ no inuethẹ uwhu,+
14 Re mẹ ruẹsi whowho eware nọ who ru nọ i fo ejiro evaọ inuethẹ ọmọtẹ Zayọn,+Jẹ ghọghọ fiki iruẹru esiwo ra.+
ט [Tet]
15 Erẹwho na a kie ruọ ọgọdọ nọ ae ọvo a tọ;Ẹriri nọ ae ọvo a rọ kpahe ẹta* o mu awọ rai.+
16 A rẹ rọ oziẹ nọ Jihova o bru rọ riẹe.+
Eware nọ ohwo omuomu ọvo ọ rehọ obọ riẹ ru i zihe ruọ ẹta nọ o mu rie no.+
Higeyọn* (Silah)
י [Yod]
17 Ahwo omuomu a ti kuomarẹriẹ kpobọ Uki,*Ere o te jọ kẹ erẹwho kpobi nọ e be kpairoro vrẹ Ọghẹnẹ.
18 Rekọ a te kpairoro vrẹ iyogbe na bẹdẹ bẹdẹ hẹ;+Yọ ẹruore enọ e be romakpotọ ọ te jọ ofofe vievie he.+
כ [Kaf]
19 Kparoma, O Jihova! Whọ kuvẹ re ohwo-akpọ gheghe o fi kparobọ họ.
Jọ a guẹdhọ erẹwho na evaọ aro ra.+
20 Fi ozọ họ ae oma, O Jihova,+Jọ erẹwho na a riẹ nọ ahwo-akpọ gheghe a rrọ. (Silah)
Eme-Obotọ
^ Hayo “udu.”
^ Hayo “Me ti kporo ile kẹ.”
^ Hayo “bruoziẹ.”
^ Hayo “otọ.”
^ Hayo “oria ukpehru.”
^ Hayo “Enọ e be riẹ.”
^ Hayo “nọ ae ọvo a ko dhere na.”
