Ilezi 92:1-15
Olezi. Ole ẹdẹ Ẹdijala.
92 U woma re a kẹ Jihova uyere+Re a jẹ so ile jiri* odẹ ra, O Ọnọ Ọ Mai Kpehru na,
2 Re a whowho uyoyou ra nọ o rẹ hiẹ hẹ+ evaọ ohiohiẹJe whowho ọtẹruo ra kaso kaso,
3 Onọ a rẹ rọ okwakwa ikporakporo nọ u wo ifi ikpe gbe akpata-ifi* ro kporo,Avọ ikporakporo ewewere nọ a be rọ akpata kporo.+
4 Keme who ru omẹ ghọghọ, O Jihova, fiki iruẹru ra;Me bi bo ubo oghọghọ fiki iruo abọ ra.
5 Iruo ra e rro kẹhẹ, O Jihova!+
Iroro ra i diwi thesiwa!+
6 Ohwo-akpọ nọ o wo iroro ho ọ sae riẹ ae he;Yọ ohwo ogheghẹ ọvuọvo ọ sai wo otoriẹ onana ha:+
7 Nọ irumuomu e tẹ dhẹ ze wọhọ ẹbeNọ ahwo oyoma na kpobi a tẹ be gbọ bọbọbọ,Onana o be via re a ruẹsi kpe ai no bẹdẹ bẹdẹ.+
8 Rekọ whẹ họ ọnọ ọ mai kpehru bẹdẹ bẹdẹ, O Jihova.
9 Ẹhẹ, rri ewegrẹ ra avọ oghọghọ obokparọ, O Jihova,Rri oghẹrẹ nọ ewegrẹ ra a ti ro whu;Ahwo oyoma na kpobi a te vahabọ.+
10 Rekọ who ti ru omẹ dhe ẹgẹga* wọhọ ogholi;Mẹ te fẹ emamọ udẹ* vọ oma mẹ.+
11 Mẹ te rọ ibiaro mẹ rri ewegrẹ mẹ avọ oghọghọ obokparọ;+Ezọ mẹ i ti yo kpahe ekie ahwo omuomu nọ e be họre omẹ.
12 Rekọ ikiẹrẹe na a te rro jẹ mọ ibi wọhọ oriẹA te rro gaga wọhọ ure sida nọ o rrọ Lebanọn.+
13 A kọ rai fihọ uwou Jihova;A be gbọ bọbọbọ* evaọ ighẹ Ọghẹnẹ mai.+
14 Makọ evaọ oke owho dede,* a te gbẹ riẹ ru ziezi;+A te gbẹ jọ gragragra* jẹ jọ bọbọbọ,+
15 Bi whowho nọ Jihova o kiete.
Ọye họ Utho mẹ,+ ọnọ eyoma ọvuọvo ọ rrọ obọ riẹ hẹ.
Eme-Obotọ
^ Hayo “je kporo ile kẹ.”
^ Hayo “ilutu.”
^ Evaọ Hibru, “ewhri.”
^ Evaọ Hibru, “Whọ te kpare uzei mẹ kpehru.”
^ Hayo “mọ ibi.”
^ Hayo “Makọ okenọ a te wo eza no dede.”
^ Evaọ Hibru, “iwhriwhri.”
