Jerimaya 6:1-30
6 Wha dhẹ no Jerusalẹm kpohọ oria ofa, O whai emezae Bẹnjamin.
Wha kporo onware na+ evaọ Tekoa;+Wha koko erae họ rọ kẹ oka evaọ Bẹt-hakirẹm!
Keme uye u bi no obọ ẹkpẹlobọ ovatha-ọre ze, okpẹtu ologbo.+
2 Ọmọtẹ Zayọn ọ wọhọ aye nọ o wo erru nọ a bi tete.+
3 Ithuru-igodẹ na avọ owa igodẹ rai e te nyaze.
A te rọ iwou-udhu rai vi wariẹe họ,+Omomọvo o bi su igodẹ nọ ọ be rẹrote nyae re ẹbe.+
4 “Wha ruẹrẹ oma kpahe re wha wọ ẹmo bru ei!*
Wha kparoma re ma vẹruọ ẹe evaọ udevie uvo!”
“Uye u te omai, keme oke u bi kpo no,Keme iwoho owọwọ na i bi dhe ethetheri!”
5 “Wha kparoma re ma vẹruọ ẹe evaọ asoJẹ raha iwou ikpehru riẹ nọ e rẹ bẹ ẹvẹruọ no.”+
6 Keme enẹ Jihova olori egbaẹmo ọ ta:
“Wha ko ire fihọ otọ re wha di ogba ro ko Jerusalẹm họ.+
Jerusalẹm yọ okpẹwho nọ o gbahọ nọ a re ro guẹdhọ;U te no okienyẹ no, oware ovo o rrọ eva riẹ hẹ.+
7 Wọhọ epanọ ọgọdọ-ame* o re ru ame nọ ọ rrọ eva riẹ jọ dhedhẹ* na,Ere o bi ru imuomu riẹ jọ dhedhẹ.*
A be jọ eva riẹ yo edo ozighi gbe ọraha;+Ẹyao gbe uye e rrọ aro mẹ kẹse kẹse.
8 O Jerusalẹm, yọroma, o gbẹ rrọ ere he mẹ* te bueva kuomarẹriẹ siọ owhẹ ba;+Me ti ru owhẹ fihọ ofofe, ẹkwotọ nọ ohwo ọvo ọ be rria ha.”+
9 Enẹ Jihova olori egbaẹmo ọ ta:
“A te robọ kotọ krọkrọ ikiọkotọ Izrẹl wọhọ ibi urere nọ e rrọ ehru ure evaene.
Wariẹ rriẹ obọ ra wọhọ ohwo nọ ọ be jọ ire evaene kọrọ ibi kokohọ.”
10 “Kọ amono mẹ rẹ ta ẹme kẹ jẹ vẹvẹ unu?
Ono ọ te gaviezọ?
Rri! A tehe ezọ rai di,* u te ru nọ a gbẹ be sae rọ gaviezọ họ.+
Rri! Ẹme Jihova o zihe ruọ oware nọ a bi ro jijehwẹ no;+O be were ai hi.
11 Fikiere ofu ọgaga Jihova ọ da eva mẹ fia,Yọ mẹ gbẹ be sai kru ei hi, o bẹ omẹ no.”+
“Ku ofu na ku ọmọ nọ ọ rrọ iyẹrẹ na,+Ku ei ku itu izoge emezae nọ i kokohọ na.
A ti mu aikpobi, ọzae avọ aye riẹ,Ekpọkuezae na avọ enọ e who gaga no na.*+
12 A te rehọ iwou rai kẹ amọfa,Te idhu rai gbe eyae rai.+
Keme mẹ te rriẹ obọ mẹ lahwe rọsuọ ahwo nọ a be rria ẹkwotọ na,” ere Jihova ọ ta.
13 “Keme no ọnọ ọ mae kawo rite ọnọ ọ mae rro, omomọvo o bi wo erere ewhariọ;+No ọruẹaro rite ozerẹ, omomọvo o bi fi iwhayo.+
14 Yọ a be gwọlọ siwi omonwa ahwo mẹ* evevere,* be ta nọ,‘Udhedhẹ o riẹ! Udhedhẹ o riẹ!’
Kpakiyọ udhedhẹ o riẹ hẹ.+
15 Kọ oma eware etọtọ nọ a ru na o be vuọ ae?
Oma o be vuọ ae vievie he!
A tubẹ riẹ epanọ oma o rẹ vuọ ohwo dede he!+
Fikiere a ti kie evaọ udevie enọ i kie no.
A ti zoruẹ okenọ mẹ te kẹ ae uye,” ere Jihova ọ ta.
16 Enẹ Jihova ọ ta:
“Wha dikihẹ edhere-adasa na re wha ruẹ.
Wha nọ kpahe idhere anwae na,Wha nọ kpahe oria nọ emamọ edhere na ọ rrọ re wha nyae,+Re wha wo omofọwẹ.”
Rekọ a be ta nọ: “Ma rẹ nya edhere na ha.”+
17 “Yọ mẹ rehọ iroroke mu+ nọ e ta nọ,‘Wha gaviezọ ziezi rọkẹ edo onware na!’”+
Rekọ a ta nọ: “Ma be gaviezọ họ.”+
18 “Fikiere wha yo, O erẹwho!
Re wha riẹ oware nọ o te via kẹ ae,O ogbotu ahwo.
19 Gaviezọ, O otọakpọ!
Mẹ be rehọ okpẹtu ze te ahwo nana+Re o jọ oware nọ u no omaa obọrai ze,Keme a gaviezọ kẹ eme mẹ hẹ,Yọ a siọ uzi* mẹ.”
20 “Eme o te omẹ te frankinsẹns nọ wha be rehọ no obọ Shiba ze,Gbe uti omemere nọ wha be rehọ no ẹkwotọ ugbothabọ ze?
Mẹ be jẹ idhe emahọ rai rehọ họ,Yọ idheidhe rai e be were omẹ hẹ.”+
21 Fikiere enẹ Jihova ọ ta:
“Rri, me bi fi itho ezoruẹ họ kẹ ahwo nana,Yọ i ti ru ai zoruẹ,Te esẹ te emezae rai kugbe,Ohwo kpobi avọ ogbẹnyusu riẹ,Aikpobi a ti whu.”+
22 Enẹ Jihova ọ ta:
“Rri! Ahwo jọ a bi no obọ ẹkwotọ ẹkpẹlobọ ovatha-ọre ze,Orẹwho ulogbo jọ o te wọ no eria nọ e mai thabọ evaọ otọakpọ na ze.+
23 A ti gbobọ họ uze gbe ozuẹ na.
A rrọ eva gaga, yọ a te re ohrọ họ.
Uvou rai u ti ru edo wọhọ abade,Yọ a be dhẹ enyenya.+
A dhe uhie ẹmo họ wọhọ egbaẹmo re a họre owhẹ, O ọmọtẹ Zayọn.”
24 Ma yo usi na kpahe iẹe no.
Abọ mai o kie fihọ otọ yọlọ;+Idhọvẹ e da omai oma fia,Edada* nọ e wọhọ erọ aye nọ o bi yẹ.+
25 Whọ nya kpobọ udhu hu,Yọ whọ nya evaọ edhere he,Keme ọwegrẹ na o wo ọgbọdọ;Idudu e rrọ oria kpobi.
26 O ọmọtẹ ahwo mẹ,Ku ehọ-ekpa* họ+ re who ghelie evaọ enwo.
Weri wọhọ epanọ a re weri uwhu ọmọzae ọvo nọ ohwo o yẹ, avọ oviẹ ogaga,+Keme ọnọ ọ be raha ọraha na ọ te vẹruọ omai idudhe.+
27 “Me ru owhẹ* fihọ ọnọ ọ rẹ dawo ayọno no evaọ udevie ahwo mẹ,Ọnọ ọ be romatotọ kiẹ;O gbahọ nọ who re muẹrohotọ jẹ kiẹ idhere rai riwi.
28 Aikpobi yọ ahwo nọ a wo udu nọ o ga thesiwa,+Nọ e be nya kpenẹ avọ enẹ wọhọ ahwo ọtaraha.+
A wọhọ ekọpa avọ ayọno;Aikpobi a raha no.
29 Eware nọ odhogu o re ro fou erae na e to.
Elẹdi o bi no erae rai ze.
Ọjọ ọ gbẹ be daoma gaga re o ru ai fo, rekọ ọ be ruẹ uye kufiẹ,+Yọ a re te hẹriẹ enọ i yoma no ai hi.+
30 Ahwo a re ti gine se ai isiliva nọ a se no,Keme Jihova ọ se rai no.”+
Eme-Obotọ
^ Evaọ Hibru, “Wha ru ẹmo fo rọsuọ ẹe!”
^ Koyehọ, ọgọdọ nọ a rẹ jọ sẹro ame.
^ Hayo “dhidhidhi.”
^ Hayo “dhidhidhi.”
^ Evaọ Hibru, “A yawo ezọ rai hi.”
^ Evaọ Hibru, “enọ i wo edẹ buobu.”
^ Hayo “ehruehru.”
^ Hayo “oria nọ u wiri evaọ oma ahwo mẹ.”
^ Hayo “uthubro.”
^ Evaọ Hibru, “Edada eyẹ.”
^ Hayo “ehọ-ẹkporo.”
^ Koyehọ, Jerimaya.
