Job 10:1-22
10 “Uzuazọ* mẹ o be tọtọ omẹ oma.+
Mẹ te ta eware nọ e be kẹ omẹ uye via.
Mẹ te rehọ idhọvẹ egaga nọ e rrọ omẹ oma* ta ẹme!
2 Mẹ te ta kẹ Ọghẹnẹ nọ: ‘Who bruoziẹ kpe omẹ inọ mẹ reabe he.
Vuẹ omẹ oware nọ who je bi lele omẹ muabọ.*
3 Kọ who re wo erere jọ nọ who te bi kienyẹ ohwo,Re iruo abọ ra e dha owhẹ eva+Nọ ohrẹ ohwo omuomu o be rọ were owhẹ?
4 Kọ ibiaro ahwo-akpọ who wo,Hayo who re rri oware oghẹrẹ nọ ohwo-akpọ gheghe* o re rri oware?
5 Kọ edẹ uzuazọ ra e wọhọ edẹ uzuazọ ahwo-akpọ,Hayo kọ ikpe ra e wọhọ erọ ohwo,+
6 Nọ whọ be rọ kiẹ oruthọ mẹ viaJẹ be gwọlọ izieraha mẹ kẹse kẹse?+
7 Whọ riẹ nọ mẹ reabe he;+Yọ ohwo ọvo ọ rẹ sai siwi omẹ no obọ ra ha.+
8 Whẹ ọvo ọ rehọ abọ ra ruẹrẹ omẹ họ jẹ ma omẹ,+Rekọ obọnana whọ be raha omẹ no riẹriẹriẹ.
9 Ivie kareghẹhọ nọ ọviẹ whọ rọ ma omẹ,+Rekọ obọnana who bi ru omẹ zihe kpohọ ovu.*+
10 Kọ ogbẹrọnọ whẹ họ ọnọ o ku omẹ fihọ oria wọhọ ame-ivieJe ru omẹ dhẹmu wọhọ ichizi?*
11 Whọ rehọ ohọroma gbe uwo ruru omẹ,*Jẹ rehọ igbenwa gbe iriẹ ro zuo omẹ kugbe.+
12 Whọ kẹ omẹ uzuazọ je dhesẹ uyoyou nọ o rẹ hiẹ hẹ kẹ omẹ;Whọ rẹrote uzuazọ* mẹ jẹ sẹro riẹ.+
13 Rekọ whọ lẹlẹ jiroro nọ who re ru eware nana.*
Mẹ riẹ nọ obọ ra eware nana i no ze.
14 Mẹ tẹ raha uzi, whọ rẹ riẹ,*+Yọ whọ rẹ rehọ iruthọ mẹ vrẹ omẹ hẹ.
15 Mẹ tẹ reabe, u re yoma kẹ omẹ gaga!
O tẹ make rọnọ me ru oware ovo thọ họ, mẹ rẹ sae kpare uzou mẹ hẹ,+Keme omovuọ gbe oja-oriọ e da omẹ oma fia.+
16 Mẹ tẹ kpare uzou mẹ kpehru, who ve mu omẹ họ ẹgwọlọ tuatuatua wọhọ okpohrokpo+Whọ vẹ wariẹ dhesẹ ogaga ra kẹ omẹ.
17 Whọ rehọ isẹri ekpokpọ ze re a se isẹri kpe omẹOfu ra kpahe omẹ o tẹ jẹ wariẹ ga,Ebẹbẹ i te bi kie ruru omẹ unọjọ utọjọ.
18 Kọ eme whọ rọ rehọ omẹ no edhede ze?+
Mẹ hai whu no re ahwo a tẹ te ruẹ omẹ.
19 O hae jọ wọhọ ẹsenọ mẹ ziọ uzuazọ vievie he;A hae nwane wọ omẹ no edhede ze kpobọ uki ovavo.’
20 Kọ edẹ mẹ e gbẹ kawo?+ Jọ ọ kẹ omẹ uvẹ;Jọ o si ibiaro riẹ no omẹ re oma o dina fọ omẹ*+
21 Taure mẹ tẹ te nyavrẹ, nọ me gbe ti ro zihe ze he+Kpobọ ẹkwotọ okpa ebi,*+
22 Obọ ẹkwotọ nọ ebi ọvo ọ rrọ,Ẹkwotọ okpa ebi,* nọ eware kpobi e jẹ rrọ whọhọ whọhọ,Oria nọ makọ elo riẹ dede ọ wọhọ ebi ọlala.”
Eme-Obotọ
^ Hayo “ẹyayare uzuazọ mẹ.”
^ Hayo “gu ẹdhọ.”
^ Hayo “nọ o re whu.”
^ Hayo “ẹkpẹ.”
^ Ichizi yọ ame-ivie nọ a ru dhẹmu.
^ Hayo “gọ omẹ ẹgọ.”
^ Hayo “ẹzi; ẹwẹ.”
^ Evaọ Hibru, “Yọ who si eware nana no họ udu ra.”
^ Hayo “who re rou omẹ.”
^ Hayo “re mẹ sasa ovao omojọ.”
^ Hayo “ebi avọ uwoho uwhu.”
^ Evaọ Hibru, “uwoho uwhu.”
