Job 13:1-28
13 “Ẹhẹ, ubiẹro mẹ o ruẹ eware nana kpobi no,Ozọ mẹ u yo no, yọ me wo otoriẹ rai no.
2 Eware nọ wha riẹ, mẹ riẹ rai re;Orọnikọ wha riẹ* vi omẹ hẹ.
3 Rọkẹ omẹ, Erumeru na mẹ gwọlọ ta ẹme mẹ kẹ;Ọghẹnẹ họ ọnọ mẹ gwọlọ gu ẹdhọ mẹ kẹ.+
4 Rekọ wha be rọ ọrue họ omẹ;Whai kpobi yọ ebo-imu nọ i fioka ha.*+
5 O hai woma re wha fibo ọvo,Oyena u ti dhesẹ nọ wha wo areghẹ.+
6 Ivie wha gaviezọ kẹ ẹkẹ unu mẹ,Jẹ kezọ kẹ eware nọ mẹ be rọ igbenu mẹ yare na.
7 Kọ wha rẹ ta ugbẹta inọ Ọghẹnẹ wha be thọ,Jẹ ta eme eviẹhọ kpahe iẹe?
8 Kọ whai họ enọ e be thọe,*Kọ wha be gwọlọ dikihẹ kẹ Ọghẹnẹ uzẹme na evaọ ẹdhọ riẹ?
9 Kọ u ti woma kẹ owhai nọ ọ tẹ kiẹ owhai riwi?+
Kọ wha rẹ sae viẹe họ wọhọ epanọ wha rẹ sae viẹ ohwo-akpọ họ?
10 Ọ te siọ owhai ba ẹwhọkuo hoWha tẹ be gwọlọ lẹlẹ dhesẹ ọriẹwẹ.+
11 Kọ oruaro riẹ o gbẹ te lẹliẹ ozọ mu owhaiNọ idudu riẹ e te rọ ruọ owhai oma?
12 Eme areghẹ* rai yọ ehare nọ e wọhọ enwo;Eme nọ wha be ta ro gu ẹkẹ unu* rai i wo ẹgba ha wọhọ ugbẹhẹ nọ a rọ ọviẹ ma.
13 Wha fibo kẹ omẹ, re mẹ ta ẹme.
Jọ oware kpobi nọ o te via kẹ omẹ o via!
14 Fikieme me re ro fi oma mẹ họ ọza*Je fi uzuazọ* mẹ họ evabọ mẹ?
15 Dede nọ ọ rẹ sai kpe omẹ kufiẹ, mẹ te gbẹ hẹrẹ ghele;+Me ti gu ẹkẹ unu mẹ* evaọ aro riẹ.
16 Kẹsena o ve ti zihe ruọ osiwi mẹ,+Keme ohwo nọ ọ be gọ Ọghẹnẹ hẹ* ọ sae nyaziọ aro riẹ hẹ.+
17 Wha gaviezọ ziezi kẹ eme mẹ;Wha nabe kezọ kẹ eme nọ mẹ be ta.
18 Whaọ rri, mẹ ruẹrẹ ẹdhọ nọ me ti gu kpahe no;Mẹ riẹ nọ me ru thọ họ.
19 Ono o re lele omẹ gu ẹdhọ?
Me re whu otẹrọnọ me fibo ọvo!*
20 Ru eware ivẹ ọvo kẹ omẹ,* O Ọghẹnẹ,Re mẹ gbẹ ko oma mẹ dhere owhẹ hẹ:
21 Wọ obọ ogbẹgbẹdẹ ra thabọ no oma mẹ no,Whọ jọ ozọ ra o whẹ iguegue họ omẹ oma ha.+
22 Se omẹ, me ti yo kẹ owhẹ,Hayo jọ omẹ ta ẹme, re whọ kpahe kẹ omẹ.
23 Eme me ru thọ, izi vẹ mẹ raha?
Dhesẹ oruthọ mẹ gbe uzioraha mẹ kẹ omẹ.
24 Fikieme whọ rọ kuọ ovao ra dhere+Nọ whọ rọ rehọ omẹ wọhọ ọwegrẹ ra?+
25 Kọ whọ rẹ gwọlọ epanọ who re ro guegue ohẹhẹ-obe nọ ofou o bi fouHayo le ẹbe ọyaya?
26 Keme whọ ruabọhọ bi kere eware iyoma nọ me ru hu fihotọ,Yọ whọ be kẹ omẹ uye fiki izi nọ mẹ raha evaọ oke uzoge mẹ.
27 Whọ kare awọ mẹ fihọ ewẹ-ekpala ekarọ,*Whọ be kiẹ otọ idhere mẹ kpobi,Yọ who bi lele ithihi awọ mẹ kpobi.
28 Fikiere ohwo* o te bi gbo no wọhọ oware ugbogbo,Wọhọ ewu nọ emera e re no.
Eme-Obotọ
^ Hayo “woma.”
^ Hayo “e riẹ iruo ho.”
^ Hayo “wha bi dhesẹ ọriẹwẹ kẹe.”
^ Hayo “Ikpeme.”
^ Evaọ Hibru, “Etu ejese.”
^ Evaọ Hibru, “Fikieme mẹ rẹ rọ rehọ akọ mẹ wọ uwo-oma mẹ?”
^ Hayo “dhesẹ nọ mẹ riẹ ru.”
^ Hayo “ọnọ ọ siọ orọwọ na no.”
^ Hayo o sae jọ nọ, “Otẹrọnọ ohwo jọ ọ sai ru ei, me re fibo ọvo re me whu.”
^ Evaọ Hibru, “Eware ivẹ ọvo, who ru kẹ omẹ hẹ.”
^ Ẹsejọhọ Job a be ta kpahe na.
