Job 22:1-30
22 Ẹlifaz+ ohwo Timan na ọ tẹ kpahe ẹme nọ:
2 “Kọ ohwo-akpọ o wo iruo kẹ Ọghẹnẹ?
Kọ ohwo nọ o re vuhu oware mu o wo erere jọ kẹe?+
3 Kọ Erumeru na ọ be daezọ* inọ who kiẹrẹe,Hayo kọ erere jọ o re tei fikinọ who bi yeri uzuazọ ẹgbakiete?+
4 Kọ ọ te kẹ owhẹ uyeJe lele owhẹ gu ẹdhọ fikinọ who wo adhẹẹ kẹe gaga?
5 Kọ ogbẹrọnọ fiki epanọ umuomu ra o rro gagaYọ iruthọ ra i wo umuo ho?+
6 Keme who re gboro oware nọ inievo ra a ro viowa mi ai ababọ ororokẹ,*Yọ who re mi ahwo iwu rai, whọ vẹ nyase ae ba ẹbẹba.*+
7 Whọ rẹ rọ ame kẹ enọ uruame u bi kpe he,Yọ whọ rẹ rọ emu gbọ enọ ohọo u bi kpe ogbọ.+
8 Ohwo nọ o wo ogaga ọye o wo otọ na,+Yọ ọnọ a you ọye ọ be rriae.
9 Rekọ who le eyae-uku kpo ababọ oware nọ whọ kẹ rai,Yọ who wiri igbabọ emọ nọ i wo esẹ hẹ.*
10 Oyejabọ nọ eta* e rọ wariẹ owhẹ họ na,+Nọ eware imuozọ idudhe e be rọ wha idudu họ owhẹ oma na;
11 Oyejabọ nọ oria kpobi u ro muebi te epanọ whọ be rọ ruẹ ude he na,Nọ ame owhe ọ rọ wọ ruru owhẹ na.
12 Kọ Ọghẹnẹ ọ gbẹ rrọ obọ odhiwu nọ o kpehru gaga na?
Whaọ rri epanọ isi na kpobi i kpehru te!
13 Rekọ whọ ta nọ: ‘Eme Ọghẹnẹ ọ ginẹ riẹ?
Kọ ọ sae ruẹ ẹgho ọlala na lafi re o bruoziẹ?
14 Ẹgho o gbere i rie, ọ be ruẹ ude heNọ ọ be nya kpenẹ avọ enẹ evaọ obọ odhiwu nọ o riama fihọ reghe reghe* na.’
15 Kọ whọ te nya edhere anwae naOnọ ahwo omuomu a nya na,
16 Ezae nọ a mu vrẹ* taure oke rai u te ti te,Nọ owhe* ọ wọ otọhotọ rai vrẹ?+
17 A jẹ ta kẹ Ọghẹnẹ nọ: ‘Kẹ omai uvẹ!’
Gbe nọ ‘Eme Erumeru na ọ sai ru omai?’
18 Rekọ ọye ọ kwa eware iwoma vọ iwou rai.
(Me wo iroro imuomu itieye vievie he.)
19 Ahwo okiẹrẹe a te ruẹ onana a vẹ te ghọghọ,Yọ enọ i ru oware ovo thọ họ a te hwẹ ae inọ:
20 ‘A raha enọ e wọso omai no,Erae e te mahe eware kpobi nọ i kiọkọ evaọ oma rai no.’
21 Daoma riẹ Ọghẹnẹ, oma o te fọ owhẹ;*Kẹsena eware iwoma i ve ti te owhẹ obọ.
22 Jẹ uzi nọ u bi no unu riẹ ze rehọ,Re who kru eme riẹ fihọ udu ra.+
23 Who te zihe bru Erumeru na ze, eware e te wariẹ woma kẹ owhẹ;+Who te si umuomu no uwou-udhu ra,
24 Who te gbolo igoru* ra fihọ ẹkpẹJe gbolo igoru Ofaya+ na fihọ ikiekpotọ* itho na,
25 Kẹsena Erumeru na o ve ti zihe ruọ igoru* ra,Ọ vẹ te jọ isiliva nọ e mai woma kẹ owhẹ.
26 Eva Erumeru na e vẹ te were owhẹ,Whọ vẹ te kpare ovao ra rri Ọghẹnẹ.
27 Nọ whọ tẹ lẹe, o ti ru ẹgwọlọ ra kẹ owhẹ;Whọ vẹ te hwa eyaa ra.
28 Oware kpobi nọ whọ gwọlọ ru u ti woma kẹ owhẹ,Yọ elo o ti lo fihọ edhere ra.
29 Keme a ti kpomovuọ họ owhẹ oma nọ whọ tẹ ta ẹme avọ omorro,Rekọ o ti siwi ọnọ ọ be romakpotọ.*
30 O ti siwi enọ i ru oware ovo thọ họ;Otẹrọnọ abọ ra ọ fo, o ti gine siwi owhẹ.”
Eme-Obotọ
^ Hayo “Kọ o rẹ were Erumeru na.”
^ Hayo “gheghe gheghe.”
^ Evaọ Hibru, “whọ rẹ ba iwu no enọ e bafihọ.”
^ Hayo “emọ nọ i wo esẹgbini hi.”
^ Evaọ Hibru, “eta evra.”
^ Hayo “nọ ọ rrọ gheghelie.”
^ Hayo “nọ a bru uzuazọ rai kpẹre.”
^ Evaọ Hibru, “ethẹ.”
^ Hayo “who ti wo udhedhẹ.”
^ Hayo “ibi igoru.”
^ Hayo “ito.”
^ Hayo “ibi igoru.”
^ Hayo “ọnọ o gbovao hotọ.”
