Job 23:1-17
23 Job ọ tẹ kpahe ẹme nọ:
2 “Makọ inẹnẹ na, mẹ te gbaudu gu ẹkẹunu mẹ;*+Ẹgba mẹ o re kpobi no fiki unuofiẹ mẹ.
3 Dodokọ mẹ riẹ oria nọ mẹ rẹ jọ ruẹ Ọghẹnẹ!+
Mẹ hai ti kpohọ oria nọ ọ be rria.+
4 Mẹ hai ti gu ẹdhọ mẹ kẹeJẹ rọ unu mẹ gu oware kpobi nọ o be kẹ omẹ uye;
5 Mẹ vẹ ruẹ ẹme nọ ọ te kpahe kẹ omẹJe muẹrohọ ẹme nọ ọ te ta kẹ omẹ.
6 Kọ ọ te rọ ogaga ulogbo riẹ lele omẹ họre?
Ijo, ọ te gaviezọ kẹ omẹ hrọ.+
7 Etẹe ohwo nọ o kiete o ti jo ku ẹme nọ avọ iẹe a wo họ,Yọ Obruoziẹ mẹ o ti bruoziẹ kẹ omẹ re ẹme na o kuhọ riẹriẹriẹ.
8 Rekọ me te kpohọ abọ ovatha-ọre, ọ rrọ obei hi;Nọ me zihe ze, mẹ ruẹ e riẹ hẹ.
9 Nọ ọ tẹ be nya evaọ abọ ẹkpẹlobọ, mẹ sai rri rie he;Kẹsena ọ tẹ nya rri abọ obọze, ghele na mẹ ruẹ e riẹ hẹ.
10 Rekọ ọ riẹ edhere nọ mẹ nya.+
Nọ ọ tẹ dawo omẹ no, mẹ vẹ te jọ wọhọ emamọ igoru.+
11 Awọ mẹ i lele ithihi riẹ kpekpekpe;Mẹ nya edhere riẹ, me no rie vievie he.+
12 Mẹ nyasiọ ujaje nọ u no unu riẹ ze ba ha.
Mẹ rehọ eme riẹ ghaghae+ tube vi epanọ ọ gwọlọ mi omẹ.*
13 Nọ ọ tẹ gbaemu no nọ o re ru oware jọ, ono ọ rẹ sae zae dhe?+
Ọ* tẹ gwọlọ ru oware, o re ru ei.+
14 O ti ru oware kpobi nọ ọ gwọlọ nọ o rẹ via kẹ omẹ* gba,Yọ o wo eware itieye na buobu nọ ọ ruẹrẹ kpahe no.
15 Oyejabọ nọ mẹ be rọ ruawa fiki riẹ na;Me te roro kpahe iẹe, ozọ u ve mu omẹ ga.
16 Ọghẹnẹ o ru nọ udu u bi ro bru omẹ gaga,Erumeru na o ru nọ ozọ u bi ro mu omẹ.
17 Rekọ ebi na o ri ruru omẹ unu huYọ okpa ebi na o ri ruru ovao mẹ hẹ.
Eme-Obotọ
^ Hayo “ẹkẹunu mẹ ọ te jọ ọrọ ọwọsuọ.”
^ Hayo “epanọ o fihọ kẹ omẹ.”
^ Hayo “nọ o fihọ kẹ omẹ.”
