Job 24:1-25
24 “Fikieme Erumeru na o gbe fi oke họ họ?+
Fikieme ahwo nọ a riẹ riẹ a gbẹ be rọ ruẹ ẹdẹ riẹ* hẹ?
2 Ahwo a bi go eware nọ a rọ ka oka họ uwhru;*+A bi tho ithuru erao kpohọ etọ rai nọ erao e rẹ jọ re ẹbe.
3 A bi le eketekete emọ nọ i wo esẹ hẹ vrẹJe bi gboro eruẹ aye-uku re o jọ oware nọ o ro viowa fihọ oware nọ o momo.*+
4 A re gele iyogbe no edhere;Iruori otọakpọ na e rẹ dhẹ dhere kẹ ae.+
5 Iyogbe na a re ghoro gwọlọ emu wọhọ eketekete ẹwọ+ nọ e rrọ obọ udhude;A rẹ jọ udhude na gwọlọ emu kẹ emọ rai.
6 O gbahọ nọ udhu omọfa a rẹ jọ kọrọ*A ve je si isogẹ evaọ ọgbọ evaene ohwo omuomu.
7 A re kiẹzẹ ẹbẹba evaọ aso, ababọ ewu nọ a re fihọ;+A wo ohọ ovo nọ a re fihọ oma fiki ekpahe he.
8 Okposo obọ igbehru o re kpe ai;A rẹ daji eva itho keme a wo uwou nọ a re kpohọ họ.
9 A vo ọmọ nọ o wo ọsẹ hẹ na no unuevie;+Yọ a bi gboro iwu iyogbe re e jọ eware nọ a ro viowa fihọ oware nọ a momo,+
10 Onọ o wha riẹ ze nọ a be rọ nya ẹbẹba, ababọ ewu nọ a fihọ,Avọ ohọo nọ u bi kpe ai, yọ a wọ ekru ekakọ.*
11 A bi ru iruo egaga evaọ udevie igbẹhẹ nọ e rrọ egbọ na yọ uvo u bi kpe ai;*A bi thihi ibi-ire evaọ ọgọdọ udi-uruo na, ghele na a be ruẹ oware ovo da ha.+
12 Enọ i bi whu a bi dimẹ evaọ okpẹwho na;Enọ e nwoma gaga* na a bi bo kẹ obufihọ,+Rekọ Ọghẹnẹ ọ be ruẹ oware ovo nọ o jọ onana thọ họ.*
13 Ahwo jọ a riẹ nọ a be wọso elo;+A daezọ idhere riẹ hẹ,Yọ a be nya idhere riẹ hẹ.
14 Ojihẹ na ọ rẹ kpama nọ oke o tẹ ke no;O re kpe iruori gbe iyogbe,+Evaọ aso o ve tho uji.
15 Ubiẹro obruẹnwae na o rẹ hẹrẹ oke nọ ọre o ti kiediwi no,+Ọ rẹ ta nọ, ‘Ohwo ọvo ọ te ruẹ omẹ hẹ!’+
Yọ o re ruru ovao riẹ.
16 A re kporo ruọ* iwou evaọ aso;Nọ oke o tẹ ke no a rẹ kare ẹthẹ dhe oma.
A riẹ elo ho.+
17 Keme oghẹrẹ ovona ohiohiẹ avọ udevie aso o rrọ kẹ ae;Idudu okpa ebi o reria e rai oma no.
18 Rekọ ame o ti su ai vrẹ vẹrẹ vẹrẹ.*
A te bọwo ẹkẹ otọ rai ehao.+
A ti zihe kpohọ egbọ evaene rai hi.
19 Nwane wọhọ epanọ uvo gbe ẹrrorro i re se ame ekpalekpa-ame nọ e ghra no rehọ na,Ere Uki* o rẹ lọ enọ e raha uzi!+
20 Oni riẹ* ọ te gbẹ kareghẹhọ iẹe he; ihoi e te re iẹe no.
A te gbẹ kareghẹhọ iẹe ofa ha.+
Yọ a ti ko umuomu* fihọ otọ wọhọ ure.
21 Ọ be re aye nọ ọ rrọ ọga muotọ,Yọ o bi gboja kẹ aye-uku.
22 Ọghẹnẹ ọ te rehọ ẹgba riẹ kpe enọ e goma no;Dede nọ a ti dikihẹ, imuẹro ọvo ọ riẹ hẹ inọ a ti wo uzuazọ.
23 Ọghẹnẹ ọ kẹ rai uvẹ re udu o jarai awọ, re a je wo omofọwẹ,+Rekọ ibiaro riẹ e rrọ oware kpobi nọ a bi ru.*+
24 A rẹ kpare ai kpehru omoke kakao, rekọ a rẹ gbẹ ruẹ e rai hi.+
A re hrẹ rai kpotọ a ve koko ai họ+ wọhọ amọfa kpobi;A re bru rai no wọhọ igbe ibi ekakọ.
25 Whaọ obọnana ono ọ rẹ sai dhesẹ nọ mẹ yọ ọtọrueHayo vro ẹme mẹ?”
Eme-Obotọ
^ Koyehọ, ẹdẹ oziẹobro riẹ.
^ Hayo “a bi fowo uwhru.”
^ Hayo “oware nọ ọ rọ ya eyaa.”
^ Hayo o sae jọ nọ, “a re bru emu erao evaọ udhu.”
^ Ekakọ nọ e wọhọ eraese.
^ Hayo o sae jọ nọ, “A bi mi ewhri evaọ udevie igbẹhẹ nọ e rrọ egbọ na.”
^ Hayo o sae jọ nọ, “Ọghẹnẹ o bi bruoziẹ kpe ohwo ọvo inọ o ru thọ họ.”
^ Evaọ Hibru, “rẹ tọ ruọ.”
^ Evaọ Hibru, “Ọ be dhẹ vẹrẹ vẹrẹ evaọ ehru ame na.”
^ Evaọ Hibru, “Edhede na.”
^ Hayo “orumuomu.”
^ Evaọ Hibru, “idhere rai.”
