Job 30:1-31
30 “Obọnana a be hwẹ omẹ+Ezae nọ e maha vi omẹ,Enọ mẹ hae rọwo fi esẹ raiHọ kugbe erakọ nọ i bi rou uthuru erao mẹ hẹ.
2 Iruo vẹ ogaga nọ o rrọ abọ rai u wo kẹ omẹ?
Ẹgba rai o re no.
3 Uvuhu avọ ohọo u kpe rai oma yolo no;A be rehọ akọ kariẹ otọ nọ o ya fiaOtọ nọ a raha muotọ je ru fihọ ofofe no.
4 A bi bru obe uwhei no obọ ẹwọ ze;Awọ ire họ emu rai.
5 A le rai no ẹwho no;+Ahwo a re kuegho họ ae wọhọ epanọ a re kuegho họ oji.
6 A be rria eria nọ i kuwhrẹrẹ evaọ ikiekpotọ ehwahwa* na,Eva egọdọ nọ e rrọ otọ gbe eva itho.
7 A bi bo evaọ obọ ẹwọJe su koko udevie ebe osokpọ.
8 Fikinọ a rrọ emọ ahwo ogheghẹ gbe enọ i wo odẹ hẹ,A le* rai no otọ na no.
9 Rekọ enẹna a be rọ omẹ zaharo makọ evaọ ile rai;+Me zihe ruọ ohwo nọ a bi ro jijehwẹ* no.+
10 A bi rri omẹ tọtọtọ jẹ be kẹnoma kẹ omẹ;+Ozọ u bi mu ai hi re a nwo eya ku omẹ ovao.+
11 Fikinọ Ọghẹnẹ o mi omẹ ose* je hrẹ omẹ kpotọ no,A bi kru oma rai vievie he* evaọ aro mẹ.
12 Evaọ obọze mẹ, a wọ ze wọhọ otu-ugbarugba;A fou omẹ họ ohrẹ-odhẹA tẹ rehọ eware nọ e rẹ wha uwhu ze gbere edhere kẹ omẹ.
13 A raha idhere mẹ noA te je ru uye mẹ ga,+Ababọ ohwo nọ ọ be whaha ae.*
14 A ruọ eva wọhọ ẹsenọ oria okẹkẹe nọ a kporo evaọ ugbẹhẹ a rọ nyaze;A su ruọ eva ghelọ ọraha na.
15 Idudu e da omẹ oma fia;A le adhẹẹ mẹ vrẹ wọhọ oware nọ ofou o fou kufiẹ,Yọ irẹro inọ a ti siwi omẹ o rayẹ no wọhọ ẹgho.
16 Enẹna uzuazọ* mẹ o be rọ ẹmẹrera no omẹ oma no;+Edẹ oja-oriọ+ i bru omẹ ze no.
17 Igbenwa mẹ e be da omẹ gaga* evaọ aso;+Edada egaga na i bi serihọ vievie he.+
18 A rọ ofu ọgaga raha ewu mẹ no;*Wọhọ uriohọ-ewu mẹ, o be gba omẹ uvou.
19 Ọghẹnẹ o gbolo omẹ fihọ ọloho no;Me zihe ruọ ovu gbe enwo no.
20 Me bi bo se owhẹ re who fiobọhọ kẹ omẹ, rekọ who bi yo kẹ omẹ hẹ;+Mẹ kpama dikihẹ, rekọ eriwi ọvo who rri omẹ.
21 Whọ rehọ evega mu ofu kẹ omẹ;+Whọ rehọ ogaga kpobi nọ who wo họre omẹ.
22 Who kru omẹ kpama, whọ tẹ rọ ofou wọ omẹ vrẹ;Whọ tẹ be rọ ofou ọwhibo na fou omẹ kpenẹ avọ enẹ.*
23 Mẹ riẹ nọ whọ te rehọ omẹ kpobọ uki,*Obọ uwou nọ ahwo kpobi nọ a rrọ uzuazọ a te jọ ruẹ oma.
24 Rekọ ohwo ọvo ọ rẹ họre ohwo nọ o kie fihọ otọ no ho*+Ọnọ o bi bo kẹ obufihọ evaọ oke nọ ọ rrọ uye.
25 Kọ mẹ gbẹ viẹ fiki ahwo nọ uye u te oma?*
Kọ me* gbe weri kẹ iyogbe na?+
26 Dede nọ me je rẹro ewoma, eyoma ọ tẹ ze;Me rẹro elo, rekọ ebi ọ ze.
27 Ẹvohẹ nọ ọ rrọ obeva mẹ o ri serihọ họ;Edẹ oja-oriọ i bru omẹ ze.
28 Mẹ be nya kpenẹ avọ enẹ evaọ ebi;*+ elo ọre ọ riẹ hẹ.
Mẹ jọ eva ogbotu na kpama me te bo kẹ obufihọ.
29 Me zihe ruọ oniọvo ikoziGbe ogbẹnyusu emetẹ ogomugoro.+
30 Ohọroma mẹ u ru fihọ biebi no jẹ be fa kufiẹ;+Ẹrrorro* na ọ be mahe igbenwa mẹ.
31 Akpata mẹ ọ rrọ kẹ uweri ọvo,Yọ urete* mẹ o rrọ kẹ edo oviẹ.
Eme-Obotọ
^ Hayo “ito.”
^ Evaọ Hibru, “fa.”
^ Evaọ Hibru, “zihe ruọ ohare; zihe ruọ isẹ.”
^ Evaọ Hibru, “ọ rra ufi-uze mẹ.”
^ Hayo “A gbolo ufi nọ a rẹ rọ gba unu arao kufiẹ.”
^ Hayo o sae jọ nọ, “Ababọ ohwo nọ o bi fiobọhọ kẹ ae.”
^ Evaọ Hibru, “A be zayẹ ighogho fihọ igbenwa mẹ.”
^ Hayo o sae jọ nọ, “Oja-oriọ ogaga mẹ o raha oma mẹ no.”
^ Hayo o sae jọ nọ, “Whọ tẹ rehọ ofou ọwhibo bẹre omẹ ekekẹ.”
^ Hayo “uwhu.”
^ Evaọ Hibru, “oria nọ a raha no ho.”
^ Hayo “ahwo nọ ẹdẹ na o woma kẹ hẹ?”
^ Hayo “Me mu ovao họ.”
^ Hayo o sae jọ nọ, “Ifiva.”
^ Hayo “onwae.”
