Job 35:1-16
35 Elaihu ọ tẹ gbẹ be kpahe ẹme, inọ:
2 “Kọ u mu owhẹ ẹro ziezi inọ who kiẹrẹe, te epanọ whọ be rọ ta nọ,‘Me kiẹrẹe vi Ọghẹnẹ’?+
3 Keme whọ ta nọ, ‘Kọ ẹrẹreokie mẹ o wo iruo jọ kẹ owhẹ?*
Kọ uzuazọ mẹ u woma vi epanọ o hae te jọ o hae jọ nọ mẹ raha uzi?’+
4 Mẹ te kpahe fihọ onana kẹ owhẹAvọ egbẹnya+ ra nọ e rrọ kugbe owhẹ.
5 Rri obọ ehru na re whọ ruẹ,Nabi rri ẹgho na,+ nọ ọ rrọ obọ ehru na.
6 Otẹrọnọ whọ raha uzi, ẹvẹ o rẹ rọ kẹe uye?+
Otẹrọnọ izieraha ra e rrọ buobu, kọ who ru rie oware jọ?+
7 Otẹrọnọ who kiẹrẹe, eme whọ kẹ riẹ;Eme o mi owhẹ?+
8 Ohwo-akpọ wọhọ owhẹ ọvo umuomu ra u re kpomahọ,Yọ ọmọ ohwo-akpọ ẹrẹreokie ra o re fiobọhọ kẹ.
9 Ahwo a re bo via nọ a te bi kienyẹ ae gaga;A re bo re a wo ufuoma no obọ ogaga nọ egba na a bi ro su ai.+
10 Rekọ ohwo ọvo ọ be ta ha inọ, ‘Diẹse Ọghẹnẹ, Ọmemama Oride nọ ọ ma omẹ na ọ rrọ,+Ọnọ o bi ru nọ ahwo a be hae rọ so ile evaọ aso na?’+
11 O bi wuhrẹ omai+ vi erao nọ e rrọ otọakpọ na,+Yọ o bi ru omai wo areghẹ vi evra obọ ehru* na.
12 Ahwo a re bo via, rekọ o re yo kẹ ae he,+Fiki omorro ahwo omuomu.+
13 Evaọ uzẹme, Ọghẹnẹ ọ rẹ gaviezọ kẹ oviẹ ufofe* he;+Erumeru na ọ rẹ daezọ riẹ hẹ.
14 U re tube yoma viere nọ whọ tẹ be go inọ whọ be ruẹ e riẹ hẹ.+
Ẹdhọ ra ọ rrọ aro riẹ, fikiere who re thihakọ hẹrẹ iẹe ọvo.+
15 Keme ọ rọ ofu se owhẹ ẹdhọ họ;Yọ o bi rri omuru ra nọ ọ vrẹta ha.+
16 Job o rovie unu riẹ be ta eme nọ i wo erere he;Ọ be ta eme buobu ababọ eriariẹ.”+
