Job 37:1-24
37 “Whaọ obọnana udu mẹ u bi kie kpikpikpiU bi duola no ẹta riẹ.
2 Gaviezọ ziezi kẹ urru riẹ nọ o be goGbe egbrara nọ i bi no unu riẹ ze.
3 O siobọnoi evaọ otọ odhiwu na sosoO te vi elo egbrara riẹ+ kpohọ oka avọ oka otọakpọ na.
4 Nọ oyena o vrẹ no, edo ologbo o te bi do;Urru ulogbo riẹ u bi ru edo egbrara,+Yọ ọ rẹ whaha iẹe he nọ a te yo urru riẹ.
5 Ọghẹnẹ ọ rẹ rọ urru riẹ ru edo egbrara+ evaọ edhere igbunu;O re ru eware igbunu nọ ma rẹ sai wo otoriẹ rai vievie he.+
6 Keme ọ rẹ ta kẹ ekpalekpa-ame na nọ, ‘Kie fihọ otọakpọ na,’+
Jẹ ta kẹ okposo nọ, ‘Rrọ gaga fihọ otọ na.’+
7 Ọghẹnẹ ọ rẹ da iruẹru ohwo-akpọ kpobi ji*Re ohwo-akpọ kpobi ọ vẹ riẹ iruo Ọghẹnẹ.
8 Erao ijihẹ e rẹ ruọ eva iwou raiA vẹ daji iwou rai.
9 Ofou ọwhibo o re fou no oria riẹ ze,+Yọ ekpahe i re lele ofou obọ ẹkpẹlobọ ovatha-ọre ze.+
10 Nọ Ọghẹnẹ o te kuẹwẹ, ame o ve dhẹmu fihọ ukpulu,+Ame obuobu orereghe na o ve dhẹmu fihọ gaga.+
11 Ẹhẹ, ọ rọ ame* ru ẹgho na fihọ gbẹgbẹdẹ;Ọ vaha elo egbrara riẹ+ fihọ ẹgho na;
12 I re kpohọ oria kpobi nọ ọ kpọ rai rri;I re ru oware kpobi nọ o jie uzi riẹ+ evaọ otọakpọ na nọ a rẹ rria na.*
13 Te o ru rie fikinọ ọ gwọlọ rehọ iẹe kẹ ahwo uye*+ hayo fiki otọ naHayo fiki uyoyou riẹ nọ o rẹ hiẹ hẹ, ọye o ru nọ o rọ via.+
14 Gaviezọ kẹ onana, Job;Dhizu re whọ romatotọ roro kpahe iruo igbunu Ọghẹnẹ.+
15 Kọ whọ riẹ oghẹrẹ nọ Ọghẹnẹ ọ be rọ kpọ* ẹgho naGbe epanọ o bi ro ru elo egbrara na lo no ẹgho riẹ ze?
16 Kọ whọ riẹ epanọ ẹgho na ọ be rọ nya?+
Enana họ iruo igbunu Ọnọ ọ riẹ eware kpobi* na.+
17 Fikieme iwu ra e rẹ rọ rrorroNọ otọakpọ na o tẹ rrọ rirẹ fiki ofou obọze ovatha-ọre na?+
18 Kọ whọ sae rriẹ* idadeghe na họ* wọhọ epanọ o ru na+Re e jọ gaga wọhọ ughẹgbe ayọno?
19 Vuẹ omai oware nọ ma rẹ ta kẹe;Ma sae kpahe ẹme he keme eva ebi ma rrọ.
20 Kọ a rẹ vuẹe nọ mẹ gwọlọ ta ẹme?
Hayo kọ ohwo jọ ọ ta ẹme jọ nọ o gwọlọ nọ a rẹ vuẹe?+
21 A rẹ sae tubẹ ruẹ elo* na ha,Dede nọ o bi lo gaga evaọ obehru,Bẹsenọ ofou o re fou ze o ve ru ehru* na ghariẹ.
22 Elo ọnwranwra igoru o re no obọ ẹkpẹlobọ ovatha-ọre ze;Oruaro Ọghẹnẹ+ u re mu ọwhewhe.
23 Ma sai wo otoriẹ oware kpobi kpahe Erumeru na ha;+O wo ogaga ulogbo,+O re ru oware nọ o wọso uvioziẹ riẹ+ gbe ẹrẹreokie ologbo riẹ vievie he.+
24 Fikiere, jọ ahwo a dhozọ riẹ.+
Keme o re dhesẹ aruoriwo kẹ enọ i roro nọ a wo areghẹ* no ho.”+
Eme-Obotọ
^ Evaọ Hibru, “o re fi oka họ obọ ohwo-akpọ kpobi.”
^ Hayo “egẹgẹ ame; igrigri”
^ Hayo “otọ nọ a rẹ kọ eware fihọ evaọ otọakpọ na.”
^ Evaọ Hibru, “fiki ọkpọ.”
^ Hayo “o bi ro jie uzi kẹ.”
^ Hayo “Ọnọ o wo eriariẹ egbagba.”
^ Hayo “Kọ whọ sai lele iei rriẹ.”
^ Hayo “tehe idadeghe na fihọ kpakpala.”
^ Koyehọ, ọre.
^ Hayo “ẹgho.”
^ Evaọ Hibru, “enọ udu rai u wo areghẹ.”
