Job 42:1-17
42 Kẹsena Job ọ tẹ kpahe kẹ Jihova nọ:
2 “Obọnana mẹ riẹ nọ whọ rẹ sai ru oware kpobiGbe nọ oware ovo nọ who wo họ iroro inọ who ti ru nọ whọ rẹ sai ru hu o rrọ họ.+
3 Whọ ta nọ, ‘Nọ ono ọna, nọ o bi ruru oware nọ mẹ gwọlọ* na, be ta oware nọ ọ riẹ hẹ na?’+
Whaọ mẹ ruẹ no inọ mẹ ta eware nọ mẹ riẹ otọ rai hiEware nọ e rro vi omẹ, enọ mẹ riẹ hẹ.+
4 Whọ ta nọ, ‘Ivie gaviezọ re mẹ ta ẹme.
Mẹ te nọ owhẹ enọ, whọ vẹ te kẹ omẹ iyo.’+
5 Mẹ rehọ ezọ yo kpahe owhẹ no,Rekọ obọnana mẹ be rọ ibiaro mẹ ruẹ owhẹ.
6 Oyejabọ nọ mẹ rọ wariẹ unu,*+Mẹ tẹ keria ovu gbe enwo ro dhesẹ nọ me kurẹriẹ.”*+
7 Nọ Jihova ọ ta ẹme kẹ Job no, Jihova ọ tẹ ta kẹ Ẹlifaz ohwo Timan nọ:
“Eva ra avọ egbẹnyusu ivẹ ra+ e be dha omẹ gaga, keme wha ta uzẹme kpahe omẹ hẹ wọhọ epanọ Job odibo mẹ ọ ta uzẹme kpahe omẹ na.+
8 Obọnana, rehọ iruẹ ihrẹ gbe igbo ihrẹ re whọ nyabru Job odibo mẹ, re wha dhe idhe emahọ kẹ omarai. Job odibo mẹ ọ te lẹ kẹ owhai.+ Me ti ru oware nọ ọ te yare na hrọ,* re mẹ gbẹ rehọ ugheghẹ rai hwosa kẹ owhai hi, keme wha ta uzẹme kpahe omẹ hẹ wọhọ epanọ Job odibo mẹ ọ ta uzẹme kpahe omẹ na.”
9 Fikiere Ẹlifaz ohwo Timan, Bildad ohwo Shuah, gbe Zofa ohwo Neama a tẹ nya, a te ru oware nọ Jihova ọ ta kẹ ae nọ a ru na. Jihova o te yo olẹ Job.
10 Nọ Job ọ lẹ kẹ egbẹnyusu* riẹ no,+ Jihova o te si uye nọ o jẹ bẹ Job na no,+ o te zihe efe riẹ kẹe.* Jihova ọ tẹ kẹe akuava eware nọ o wo vẹre.+
11 Inievo-emezae gbe inievo-emetẹ riẹ kpobi gbe egbẹnyusu riẹ vẹre kpobi+ a tẹ nyabru ei ze, a te lele iei re emu evaọ uwou riẹ. A weri kẹe jẹ sasa iẹe oma fiki eware okpẹtu kpobi nọ Jihova ọ kuvẹ nọ e via kẹe na. Ae omomọvo ọ kẹ riẹ ugho jọ gbe ẹmẹro igoru.
12 Fikiere Jihova ọ tẹ ghale obọ ekuhọ uzuazọ Job vi emuhọ riẹ,+ Job o te ti wo igodẹ idu ikpegbene (14,000), ekamẹle idu ezeza (6,000), iruẹ ivivẹ odu ọvo (1,000), gbe eketekete eyae odu ọvo (1,000).+
13 Ọ tẹ wariẹ yẹ emezae ihrẹ efa gbe emetẹ esa efa.+
14 O mu odẹ kẹ ọmọtẹ ọsosuọ riẹ nọ Jemaema, ọrọ avọ ivẹ Kezaya, ọrọ avọ esa Kẹrẹn-hapọk.
15 Aye ọvuọvo evaọ ẹkwotọ na soso nọ o wo erru te emetẹ Job ọ jariẹ hẹ, yọ ọsẹ rai ọ kẹ rai ukuoriọ wọhọ epanọ ọ kẹ inievo-emezae rai.
16 Nọ onana o vrẹ no, Job ọ tẹ gbẹ rria ikpe udhuhrẹ (140), ọ ruẹ emọ riẹ gbe emọ-iruọmọ riẹ, rite ige ene.
17 Ukuhọ riẹ Job o te whu, ọ rria kri je yeri uzuazọ nọ o da riẹ ẹro.*
Eme-Obotọ
^ Hayo “ru ẹjiroro mẹ jọ bizi bizi.”
^ Hayo “rehọ ẹme nọ mẹ ta zihe.”
^ Hayo “Me kurẹriẹ evaọ ovu gbe enwo.”
^ Evaọ Hibru, “Mẹ te kpare ovao riẹ kpehru hrọ.”
^ Hayo “egbẹrioma.”
^ Evaọ Hibru, “Jihova o te si Job no igbo.”
^ Evaọ Hibru, “ọ who je wo edẹ buobu.”
