Maeka 3:1-12
3 Mẹ ta nọ: “Ivie wha yo, whai enọ i wuzou uwou JekọpGbe whai isu uwou Izrẹl.+
Wha gbe te epanọ wha rẹ rọ riẹ oware nọ u kiete?
2 Rekọ wha mukpahe oware uwoma,+ wha te you oware uyoma;+Wha be wọrọ ohọroma ahwo mẹ no je bi si uwo no igbenwa rai.+
3 Wha tẹ jẹ be re uwo ahwo mẹ+Je bi ku ohọroma rai no,Be whọlọ igbenwa rai ehehẹhẹ,+Wọhọ oware nọ a there evaọ uwho,* wọhọ arao nọ a bi there evaọ uwho.
4 Evaọ oke yena, a ti bo se Jihova kẹ obufihọ,Rekọ o ti yo kẹ ae he.
O ti si ovao riẹ dhere no ai evaọ oke yena,+Fiki iruẹru imuomu rai.+
5 Enẹ Jihova ọ ta kpahe eruẹaro nọ i bi su ahwo mẹ thọ,+Enọ i re whowho ‘Udhedhẹ!’+ nọ a te wo oware jọ nọ a be rowo* evaọ ibiakọ rai,+Rekọ nọ e rẹ wọ ẹmo bru ohwo nọ o fi oware ovo họ unu rai hi:
6 ‘Aso ọ te jariẹ kẹ owhai;+ rekọ wha te ruẹ eruẹaruẹ hẹ;+Ebi ọvo wha te ruẹ, wha gbẹ te gbẹva ha.
Ọre na o ti fu dhe eruẹaro na.Oke uvo u ve ti muebi kẹ ae.+
7 A ti ru oma vuọ enọ e rẹ ruẹaro,+Oma o te vuọ egbẹva na.
Aikpobi a te rọ abọ ruru eto-enu* rai,Keme Ọghẹnẹ ọ be kẹ ae uyo ho.’”
8 Rọkẹ omẹ, ẹzi Jihova ọ kẹ omẹ ogaga,Jegbe uvioziẹ gbe ẹgba,Re mẹ vuẹ Jekọp kpahe ọkparesuọ riẹ jẹ vuẹ Izrẹl kpahe uzioraha riẹ.
9 Ivie wha yo onana, whai enọ i wuzou uwou JekọpGbe whai isu uwou Izrẹl,+Enọ uvioziẹ u re tuoma, nọ e rẹ gẹle oware kpobi nọ o rrọ liọliọ,+
10 Enọ e be rehọ azẹ-okpe bọ Zayọn jẹ rehọ umuomu+ bọ Jerusalẹm.
11 Isu* riẹ e rẹ re-udi ro bruoziẹ,+Izerẹ riẹ i re mi ugho re a te wuhrẹ,+Eruẹaro riẹ e rẹ gbẹva fiki ugho.*+
Ghele na a be rẹroso Jihova,* be ta nọ:
“Kọ Jihova ọ gbẹ rrọ kugbe omai?+
Okpẹtu ọvuọvo o ti te omai hi.”+
12 Fikiere, a ti kporo ZayọnWọhọ udhu fiki rai,Jerusalẹm o ti zihe ruọ okpẹwho nọ a raha kuotọ,+Yọ ugbehru Uwou* na o te jọ wọhọ eria ikpehru nọ e rrọ owhawho.*+
Eme-Obotọ
^ Hayo “uwho nọ enu riẹ o rrọ kẹkẹe.”
^ Hayo o sae jọ nọ, “nọ a te wo oware jọ nọ a rẹ re.”
^ Hayo “whabọ họ enu.”
^ Evaọ Hibru, “Enọ i wuzou.”
^ Hayo “isiliva.”
^ Hayo “a be ta nọ a rẹroso Jihova.”
^ Hayo “ugbehru etẹmpol.”
^ Hayo “otọ nọ ikpire e vọ.”
