Maeka 5:1-15
5 “Whọ be gbẹre omobọ ra,O ọmọtẹ nọ a ko họ;A ko omai họ.+
A be rọ ọkpọ fa obruoziẹ Izrẹl agba.+
2 O whẹ Bẹtlẹhẹm Efrata,+Ọnọ ọ kawo vi epanọ ọ rẹ rọ jọ usu inuwou* Juda,Eva ra ọnọ ọ te jọ osu kẹ omẹ evaọ Izrẹl o ti no ze,+Ọnọ emuhọ riẹ ọ rrọ no oke anwae ze, no oke krẹkri nọ u kpemu ze.
3 Fikiere o ti siobọno ai kẹ ewegrẹBẹsenọ aye nọ o bi yẹ na o ti yẹ no.
Inievo riẹ nọ i kiọkọ i ve ti zihe bru ahwo Izrẹl.
4 Ọ te kpama, ọ vẹ rọ ẹgba Jihova rẹrote uthuru na,+Avọ udu nọ o ti ro ru eware evaọ odẹ ulogbo Jihova Ọghẹnẹ riẹ.
A te rria avọ omofọwẹ,+Keme oruaro riẹ u ti te oka avọ oka otọakpọ na.+
5 Ọ te wha udhedhẹ ze.+
Nọ ohwo Asiria na ọ tẹ vẹruọ otọ mai jẹ be nya evaọ iwou ikpehru mai nọ e rẹ bẹ ẹvẹruọ,+Ma te rehọ ithuru-igodẹ ihrẹ, ẹhẹ, isu* eree mu evaọ udevie ahwo-akpọ, enọ e te zae họ.
6 A te rọ ọgbọdọ gboja kẹ ẹkwotọ Asiria,*+Gbe ẹkwotọ Nimrọd+ evaọ eria nọ a rẹ rọ ruọ ẹe eva.
O ti siwi omai no obọ ohwo Asiria na,+Nọ ọ tẹ vẹruọ otọ mai jẹ be nya evaọ ẹkwotọ mai.
7 Emọ Jekọp nọ i kiọkọ e te jọ udevie ahwo buobuWọhọ igrigri nọ i no obọ Jihova ze,Wọhọ oso nọ ọ rẹ rrọ ku ẹbeNọ ọ rẹ rẹroso ohwo-akpọ họHayo hẹrẹ ahwo-akpọ họ.
8 Emọ Jekọp nọ i kiọkọ e te jọ udevie erẹwho na,Evaọ udevie ahwo buobu,Wọhọ okpohrokpo nọ ọ rrọ udevie erao nọ e rrọ ẹwọ,Wọhọ okpohrokpo ọgaga* nọ ọ rrọ udevie igodẹ,Nọ ọ tẹ ruọ udevie rai, ọ jẹ vabọ tu ọjọ, ọ vẹ zae ekekẹ;Yọ ohwo ọvo ọ riẹ nọ o re siwi ai hi.
9 Who ti fi ewegrẹ ra kparobọ,Yọ a te raha ewegrẹ ra kpobi no.”
10 “Evaọ ẹdẹ yena,” ere Jihova ọ ta,“Me ti kpe enyenya ra no udevie ra jẹ raha ekẹkẹ ra no.
11 Mẹ te raha ikpewho nọ e rrọ ẹkwotọ ra noJe kporo eria ra kpobi nọ a di ogba wariẹ họ* fihọ otọ.
12 Me ti ru ẹva-ọgba ra* serihọ,Yọ ohwo ọvo nọ o re ru emajiki ọ gbẹ te jọ eva ra ha.+
13 Mẹ te raha emema ra gbe ipila ra no udevie ra no,Who gbe ti guzou kpotọ kẹ iruo abọ ra ha.+
14 Me ti vi ekpọ ọrẹri*+ ra no otọJẹ raha ikpewho ra no.
15 Evedha avọ ofu me ti ro ruErẹwho nọ i yoẹme he na kele.”
Eme-Obotọ
^ Evaọ Hibru, “idu.”
^ Hayo “ikpahwo-esuo.”
^ Evaọ Hibru, “rọ ọgbọdọ su otọ Asiria.”
^ Hayo “okpohrokpo nọ ọ rrọ whẹvu.”
^ Hayo “e rẹ bẹ ẹvẹruọ.”
^ Evaọ Hibru, “nọ o rrọ obọ ra.”