Maeka 6:1-16
6 Ivie, wha yo ẹme nọ Jihova ọ be ta.
Wha kpama, re wha gu ẹkẹ unu rai evaọ aro igbehru na,Re ikpehru na i je yo edo urru rai.+
2 O igbehru, wha yo ẹkẹ unu Jihova nọ o ti gu,Whai etọhotọ egaga otọakpọ na,+Keme Jihova avọ ahwo riẹ a wo ẹdhọ;Ahwo Izrẹl o ti lele gu:+
3 “Ahwo mẹ, eme me ru owhai?
Ẹvẹ me ro ru oma rrọ owhai?+
Wha se isẹi mu omẹ.
4 Keme mẹ rehọ owhai no ẹkwotọ Ijipti ze,+Obonọ wha jẹ jọ igbo mẹ ta owhai no ze;+Me vi Mosis, Erọn, gbe Miriam karo kẹ owhai.+
5 Ahwo mẹ, ivie wha kareghẹhọ oware nọ Belak ovie Moab ọ ma omaa riẹ,+Jegbe uyo nọ Belam ọmọzae Biọ ọ kẹ riẹ+—Oware nọ o via evaọ Shitim+ rite Gilgal+—Re wha ruẹse riẹ iruẹru ikiẹrẹe Jihova.”
6 Kọ eme mẹ te wha ze aro Jihova?
Eme mẹ te wha lele oma nọ me ti kigwẹ kẹ Ọghẹnẹ nọ ọ rrọ obọ ehru?
Kọ eware nọ a re ro dhe idhe-emahọ mẹ te wha ze aro riẹ,Emọ-iruẹ nọ i te ukpe no?+
7 Kọ a sae rehọ igbo nọ i bu te idu buobu ro ru Jihova eva were?Manikọ idu ikpe eko buobu erọ ikpomoku ewhri?+
Kọ ọmọzae ọkpako* mẹ mẹ te rọ kẹe fiki ọkparesuọ mẹ,Ubi nọ u no oma mẹ ze mẹ te rọ kẹe fiki uzioraha mẹ?+
8 O, whẹ ohwo-akpọ, ọ vuẹ owhẹ oware nọ u woma no.
Kọ eme Jihova ọ gwọlọ mi* owhẹ?
Oware nọ ọ gwọlọ mi owhẹ kpobi họ, re who bru uvioziẹ,*+ re who rri uyoyou nọ o rẹ hiẹ hẹ ghaghae,*+Re whọ jẹ romakpotọ+ lele Ọghẹnẹ ra nya!*+
9 Urru Jihova u bi se okpẹwho na;Ahwo nọ a wo uvi areghẹ a te dhozọ odẹ ra.
Kezọ kẹ ọkpọ na gbe ọnọ ọ rehọ e riẹ mu.+
10 Kọ ekwakwa-aghae nọ a rọ umuomu wo gbe owawọ ifa* iwhayo nọ o rrọ nyenyenyeE gbẹ rrọ uwou ahwo omuomu?
11 Kọ uruemu mẹ o rẹ sae jọ fuafo* nọ me te wo iskeli eviẹhọ,Hayo nọ me te wo itho owawọ iwhayo evaọ ẹkpa mẹ?+
12 Ozighi ọ da edafe riẹ oma fia,Ahwo nọ a be rriae eva a be ta erue;+Ẹrọo rai ọ vọ avọ eviẹhọ.+
13 “Fikiere, mẹ te fa owhẹ nwoma,+Je ru owhẹ họ oria ofofe fiki izieraha ra.
14 Whọ te re emu rekọ eva e te vọ owhẹ hẹ;Eva ra e te jọ ofofe.+
Eware nọ whọ wọ, whọ te sae sẹro rai gbẹsinẹdẹ hẹ,Yọ enọ whọ sae sẹro rai dede, mẹ te rehọ ae kẹ ọgbọdọ na.
15 Whọ te kọ ibi, rekọ who ti vu hu.
Who ti thihi ibi olivi, rekọ whọ te rehọ ewhri na ru oware ovo ho;Who ti ru enwaene ọkpokpọ, rekọ whọ te da enwaene he.+
16 Keme who bi koko izi Omri je bi ru eware kpobi nọ uwou Ehab u ru,+Who te je bi ru lele ohrẹ rai.
Oyejabọ nọ me ti ro ru owhẹ họ oware iduduJe ti ru ahwo nọ a be rria eva okpẹwho na họ oware nọ a rẹ rọ fiki riẹ fiunu;+Yọ ahwo a te rehọ owhẹ se ẹkoko.”+
Eme-Obotọ
^ Hayo “ọnwara.”
^ Hayo “riẹ ọnyaba ra nọ who bi lele Ọghẹnẹ ra nya na!”
^ Hayo “jọ wowou.” Evaọ Hibru, “you uyoyou nọ o rẹ hiẹ hẹ.”
^ Hayo “ru oware nọ u kiete; siọ ọriẹwẹ ba edhesẹ.”
^ Hayo “be nọ mi.”
^ Rri Ẹme-Ofiba B14.
^ Hayo “abọ mẹ ọ rẹ sae fo.”
