Usi Uwoma Matiu 1:1-25
1 Obe ikuigbe* Jesu Kristi,* ọmọzae Devidi,+ ọmọzae Abraham:+
2 Abraham họ ọsẹ Aiziki;+Aiziki họ ọsẹ Jekọp;+Jekọp họ ọsẹ Juda+ avọ inievo-emezae riẹ;
3 Juda họ ọsẹ Pirẹz avọ Zira+ nọ Tama o yẹ kẹe;Pirẹz họ ọsẹ Hẹzrọn;+Hẹzrọn họ ọsẹ Ram;+
4 Ram họ ọsẹ Aminadab;Aminadab họ ọsẹ Nashọn;+Nashọn họ ọsẹ Salmọn;
5 Salmọn họ ọsẹ Boaz nọ Rehab+ o yẹ kẹe;Boaz họ ọsẹ Obẹd nọ Rut+ o yẹ kẹe;Obẹd họ ọsẹ Jẹsi;+
6 Jẹsi họ ọsẹ Devidi+ ovie na.
Devidi họ ọsẹ Solomọn+ nọ aye Uraya vẹre o yẹ kẹe;
7 Solomọn họ ọsẹ Rehoboam;+Rehoboam họ ọsẹ Abaejah;Abaejah họ ọsẹ Asa;+
8 Asa họ ọsẹ Jehoshafat;+Jehoshafat họ ọsẹ Jehoram;+Jehoram họ ọsẹ Uzaya;
9 Uzaya họ ọsẹ Jotam;+Jotam họ ọsẹ Ehaz;+Ehaz họ ọsẹ Hẹzikaya;+
10 Hẹzikaya họ ọsẹ Manasẹ;+Manasẹ họ ọsẹ Amọn;+Amọn họ ọsẹ Josaya;+
11 Josaya+ họ ọsẹ Jẹkonaya+ avọ inievo-emezae riẹ, enọ e jọ uzuazọ evaọ etoke nọ a ro mu ahwo Ju kpobọ Babilọn.+
12 Nọ a mu ahwo Ju kpobọ Babilọn no, Jẹkonaya o te yẹ Shealtiẹl;Shealtiẹl o te yẹ Zerubabẹl;+
13 Zerubabẹl họ ọsẹ Abaeyọd;Abaeyọd họ ọsẹ Elayakim;Elayakim họ ọsẹ Ezọ;
14 Ezọ họ ọsẹ Zedọk;Zedọk họ ọsẹ Ekam;Ekam họ ọsẹ Elaeyọd;
15 Elaeyọd họ ọsẹ Ẹlieza;Ẹlieza họ ọsẹ Matan;Matan họ ọsẹ Jekọp;
16 Jekọp họ ọsẹ Josẹf, ọzae Meri nọ o yẹ Jesu,+ ọnọ a re se Kristi.+
17 Fikiere, ige na kpobi, no Abraham rite Devidi ige ikpegbene; no Devidi rite okenọ a ro mu ahwo Ju kpobọ Babilọn ige ikpegbene; no okenọ a ro mu ahwo Ju kpobọ Babilọn rite oke Kristi ige ikpegbene.
18 Rekọ enẹ eyẹ Jesu Kristi ọ jọ. Evaọ okenọ Josẹf ọ rọ sa Meri oni riẹ họ otọ, a tẹ ruẹ nọ ẹzi ọfuafo* o ru rie dihọ+ taure a tẹ te ruọ orọo.
19 Rekọ fikinọ Josẹf ọzae riẹ ọ jọ ohwo okiẹrẹe, yọ ọ gwọlọ ru ei oma vo evaọ ẹgbede he, ọ tẹ gwọlọ nọ ọ rẹ lẹlẹ se iẹe.+
20 Rekọ nọ o roro kpahe eware nana no, ukọ-odhiwu Jihova* ọ tẹ romavia kẹe evaọ ewezẹ, ọ tẹ ta nọ: “Josẹf ọmọzae Devidi, ozọ u mu owhẹ hẹ re whọ rehọ Meri aye ra kpo, keme ẹzi ọfuafo o ru rie dieva na họ.+
21 O ti yẹ ọmọzae, yọ who re se odẹ riẹ Jesu,*+ keme o ti siwi ahwo riẹ no izieraha rai.”+
22 Eware nana kpobi e ginẹ via, re ẹme nọ Jihova* ọ rehọ ọruẹaro riẹ ta ọ ruẹsi rugba, inọ:
23 “Rri! Ọmọtẹ-kọkọ na o ti dihọ, o ve ti yẹ ọmọzae, a ve ti se odẹ riẹ Imanuẹl,”+ onọ otofa riẹ o rrọ, “Ọghẹnẹ Ọ Rrọ Kugbe Omai.”+
24 Nọ Josẹf ọ rọwo no owezẹ ze, o te ru epanọ ukọ-odhiwu Jihova* ọ ta kẹe na, ọ tẹ rehọ aye riẹ kpo.
25 Rekọ o lele i rie wezẹ hẹ bẹsenọ o ro yẹ ọmọzae,+ o te se odẹ riẹ Jesu.+
Eme-Obotọ
^ Hayo “Mesaya na; Ọnọ A Wholo na.”
^ Hayo “uyẹ.”
^ Hayo “ogaga-iruo Ọghẹnẹ.”
^ Evaọ awọ sa-sa nọ e rrọ efafa nana, etenẹ họ oria ọsosuọ evaọ eria 237 nọ odẹ Ọghẹnẹ, Jihova, o jọ romavia evaọ Ikereakere Griki Ileleikristi na. Rri Ẹme-Ofiba A5.
^ Otofa riẹ họ “Jihova Họ Esiwo,” wọhọ odẹ Hibru na Jeshua, hayo Joshua.
^ Rri Ẹme-Ofiba A5.
^ Rri Ẹme-Ofiba A5.
