ONỌ 1
Ono họ Ọghẹnẹ?
“Jọ ahwo a riẹ nọ whẹ, ọnọ odẹ riẹ o rrọ Jihova, whẹ ọvo họ Ọnọ Ọ Mai Kpehru vi otọakpọ na kpobi.”
“Riẹ nọ Jihova họ Ọghẹnẹ. Ọye họ ọnọ ọ ma omai, yọ ọye o wo omai.”
“Mẹ họ Jihova. Odẹ mẹ oye; mẹ rẹ rehọ oruaro mẹ kẹ omọfa ha, hayo rehọ ujiro mẹ kẹ ẹmema nọ a kare he.”
“Ohwo kpobi nọ o bi se odẹ Jihova a ti siwi ei.”
“Ẹhẹ, uwou kpobi u wo ohwo nọ ọ bọ riẹ, rekọ ọnọ ọ ma eware kpobi họ Ọghẹnẹ.”
“Wha kpare aro rai rri odhiwu re wha ruẹ. Ono ọ ma eware nana? Ọye họ Ọnọ o bi su ai wọhọ ogbaẹmo, bi kele ai ọvuọvo; ọvuọ odẹ riẹ o re ro se aikpobi. Fiki ẹgba ologbo riẹ nọ o bi ruiruo ẹsikpobi gbe ogaga riẹ nọ u re mu ọwhewhe, ọvuọvo rai o re voi ẹro ho.”
Enana E Sae jẹ Were Owhẹ
IWUHRẸ EBAIBOL NỌ I WUZOU
Kọ Ọghẹnẹ O Wo Odẹ?
Ọghẹnẹ o wo edẹ-ova buobu, yọ Erumeru, Ọmemama, gbe ỌNOWO e rrọ usu edẹ na. Rekọ odẹ Ọghẹnẹ ọ romavia enwenọ asia 7,000 evaọ Ebaibol.
