Ebẹbẹ nọ I re Ru Omai Wo Ẹruore
Ebẹbẹ nọ I re Ru Omai Wo Ẹruore
“Evaọ edẹ urere na, oke obẹbẹ nọ o rẹ bẹ ẹria o te jọ.”—2 TIMOTI 3:1.
KỌ WHỌ rehọ ẹro ruẹ hayo yo kpahe ọkpọ ebẹbẹ nọ ma be te fodẹ evaọ obotọ na no?
● Okpẹyao jọ nọ o du lahwe o kpe ahwo buobu gbidi gbidi.
● Ohọo ogaga jọ nọ u mu u kpe ahwo buobu.
● Otọ nọ u nuhu o raha iwou buobu je kpe idu ahwo buobu.
Whọ te jọ emagazini nana ruẹ eware jọ nọ i wuzou nọ u fo nọ whọ rẹ riẹ kpahe eware nana nọ e be via na. Whọ te jẹ ruẹ nọ Ebaibol na ọ ruẹaro no vẹre inọ eware itienana e te via evaọ etoke nọ a se “edẹ urere.” *
Orọnikọ ma kere emagazini nana re whọ ruẹse riẹ nọ ebẹbẹ e da oria kpobi fia ha, keme whẹ omara whọ be rọ ẹro ruẹ ebẹbẹ na. Rekọ ma kere iei re u fiobọhọ kẹ owhẹ wo ẹruore. Whọ te ruẹ epanọ eware ezeza jọ nọ Ebaibol ọ ruẹaro rai e be rọ via nẹnẹ, onọ u dhesẹ nọ “edẹ urere na” i ti kuhọ kẹle. Rekọ eme nọ ahwo jọ a ta kpahe eware nana i dhesẹ nọ a rọwo ho inọ edẹ urere na ma rrọ na. Fikiere whọ te jọ emagazini nana ruẹ eme itienana jọ gbe ẹjiroro nọ ma rọ riẹ nọ eware i ti woma kẹle.
[Ẹme-Obotọ]
^ edhe-ẹme 7 Re whọ riẹ oware nọ Ọghẹnẹ ọ rọ kuvẹ nọ eware iyoma nana e be rọ via, rri uzoẹme na, “Why Does God Allow Evil and Suffering?” onọ o rrọ ẹwẹ-obe avọ 16 gbe 17 evaọ emagazini nana.