ABỌ AVỌ IVẸ
Wha “Zue Aruẹri Mẹ”—A Gbe Egagọ Efuafo Ku
OWARE NỌ ABỌ NANA O TA KPAHE: Ahwo Juda avọ Jerusalẹm a gbe egagọ gbe uruemu rai ku
Jihova o you ahwo Izrẹl na yọ ọ jẹ rẹrote ae wọhọ “okwakwa oghaghae” riẹ. (Ọny. 19:5, ẹme-obotọ) Rekọ oware nọ a rọ hwosa kẹ Jihova họ, eghẹnẹ erue nọ a jẹ gọ evaọ uzedhe etẹmpol Jihova! A ru oware nọ o da Jihova gaga jẹ wha ekela sei. Fikieme ahwo Izrẹl na a ro gbeku te enẹ? Eme eruẹaruẹ Izikiẹl kpahe ọraha Jerusalẹm e rẹ sai wuhrẹ omai? Kọ eme ma sai wuhrẹ no oghẹrẹ nọ ahwo Izrẹl a je ro yerikugbe erẹwho nọ e wariẹ e rai họ na ze?
ENỌ E RRỌ OFẸ NANA
UZOU AVỌ 5
Rri ‘Eware Iyoma Etọtọ nọ A bi Ru’
Izikiẹl ọ ruẹ eware etọtọ nọ i dhesẹ epanọ egagọ orẹwho na soso i gbeku te.
UZOU AVỌ 6
“Urere na U Te Owhẹ Oma No”
Idhesẹvia nọ Izikiẹl o ru na i dhesẹ oware nọ Jihova ọ te rọ ofu ru Jerusalẹm.
UZOU AVỌ 7
Erẹwho na E “Vẹ te Riẹ nọ Mẹ họ Jihova”
Erẹwho nọ e wọso Jihova nọ i je kpokpo ahwo riẹ hayo raha uruemu rai na a te va uye nọ u ti noi ze abọ họ. Eme ma rẹ sai wuhrẹ no oghẹrẹ nọ ahwo Izrẹl a ro yerikugbe ahwo erẹwho yena ze?
