Iriruo Ebaibol nọ e sai fiobọhọ kẹ owhẹ:

• Ol 78:40, 41; 106:36-46—Jihova ọ rọvrẹ ahwo riẹ nọ a veghe uzou unuẹse buobu dede nọ izieraha rai e da riẹ gaga

• Luk 15:11-32—Jesu o gbiku ọsẹ jọ nọ o wo ohrọ-ọriọ nọ o dede ọmọzae riẹ nọ o kurẹriẹ rehọ ro dhesẹ epanọ Jihova ọ rẹ rọvrẹ

Iriruo Ebaibol nọ e sai fiobọhọ kẹ owhẹ:

• Hib 9:22-28—Pọl ukọ na ọ ta nọ Jihova ọ rẹ sae rọ izieraha mai rọvrẹ omai fikinọ Jesu o whu kẹ omai

• Ev 7:9, 10, 14, 15—Jọn ukọ na ọ ruẹ “ogbotu obuobu” nọ Ọghẹnẹ ọ rọ izieraha rai rọvrẹ no fiki uwhu Kristi

 Iriruo Ebaibol nọ e sai fiobọhọ kẹ owhẹ:

• Job 42:7-10—Taure Jihova o te ti si uye nọ o te Job na no, siwi ẹyao riẹ kpo, jẹ wariẹ ru ei fe, ọ ta kẹe nọ ọ lẹ kẹ egbẹnyusu esa riẹ nọ e ta eme edada kẹe

• Mt 18:21-35—Jesu o dhesẹ epanọ u wuzou te re ma rọvrẹ amọfa otẹrọnọ ma gwọlọ nọ a rẹ rọvrẹ omai

Iriruo Ebaibol nọ e sai fiobọhọ kẹ owhẹ:

• Ol 32:1-5; 51:1, 2, 16, 17—Okenọ Devidi ọ raha izi ilogbo, ọkora gbe uweri e jariẹ oma, yọ o kurẹriẹ no eva ze

• Jem 5:14-16—Jemis ọ ta vevẹ nọ otẹrọnọ ma raha uzi ulogbo, ma rẹ nyae vuẹ ekpako na

Iriruo Ebaibol nọ e sai fiobọhọ kẹ owhẹ:

• 1Iv 21:27-29; 2Ir 18:18-22, 33, 34; 19:1, 2—Okenọ Jihova o brukpe Ehab ovie na fiki eyoma riẹ, o te hrẹ omariẹ kpotọ, fikiere Jihova ọ tẹ dina re iẹe ohrọ, rekọ fikinọ o kurẹriẹ no eva ze he, Jihova o rri rie fihọ ohwo omuomu, ọ tẹ kuvẹ re a kpei

• 2Ir 33:1-16—Manasẹ ovie na o ru eware nọ iyoma gaga, ghele na Jihova ọ rọvrẹ riẹ okenọ o kurẹriẹ. Manasẹ o dhesẹ nọ o gine kurẹriẹ keme ọ daoma si ẹdhọgọ notọ jẹ tuduhọ ahwo na awọ re a gọ Jihova

Oriruo Ebaibol nọ ọ sai fiobọhọ kẹ owhẹ:

• 2Sa 12:13; 24:1; 1Iv 9:4, 5—Dede nọ Devidi ovie na ọ raha izi ilogbo, Jihova ọ rọvrẹ riẹ fikinọ o kurẹriẹ, yọ ọ tubẹ ta kpahe iẹe uwhremu na inọ ọ rehọ udu riẹ kpobi nya lele iei

 Iriruo Ebaibol nọ e sai fiobọhọ kẹ owhẹ:

• Mt 26:36, 40, 41—Ilele Jesu nọ e mae kẹle iẹe a wezẹ siọ iẹe ba evaọ okenọ o mae rọ gwọlọ nọ a rẹ thae uke, rekọ Jesu o vuhumu nọ a jẹ wezẹ fikinọ oma o rrọ rai no

• Mt 26:69-75; Luk 24:33, 34; Iru 2:37-41—Pita nọ ọ jọ ukọ Jesu ọ vro riẹ isiasa, rekọ ọ rọvrẹ riẹ fikinọ o kurẹriẹ. Okenọ Jesu ọ kparoma no, ọ romavia kẹ Pita, ọ tẹ jẹ kẹe obọdẹ iruo evaọ ukoko na uwhremu na

Iriruo Ebaibol nọ e sai fiobọhọ kẹ owhẹ:

• Mt 23:29-33—Jesu ọ vẹvẹ otu ikere-obe gbe otu Farisi unu inọ a ti gbolo ai fihọ Gehena, koyehọ a te raha ae no bẹdẹ bẹdẹ

• Jọ 17:12; Mak 14:21—Jesu o se Judas Iskariọt “ọmọ ọraha na,” ọ tẹ ta nọ o hae mai woma kẹ Judas nọ o bi ti vivie iei na o hae jọ nọ a yẹ riẹ hẹ