Iriruo Ebaibol nọ e sai fiobọhọ kẹ owhẹ:

• Mt 16:13-17—Pita ukọ na ọ ta nọ Jesu họ Kristi na, gbe Ọmọ Ọghẹnẹ

• Mt 17:1-9—Ikọ esa Jesu jọ a ruẹ Jesu evaọ okenọ ọ rẹriẹ, a te je yo urru Jihova nọ o ta nọ Jesu yọ Ọmọ Riẹ

Iriruo Ebaibol nọ e sai fiobọhọ kẹ owhẹ:

• Mt 21:1-9—Okenọ Jesu ọ ruọ Jerusalẹm nọ ahwo a jẹ rọ koyẹ kẹe wọhọ ohwo nọ ọ kparobọ no, u ru eruẹaruẹ nọ e ta kpahe Mesaya na gba, ọnọ ọ rrọ Ovie nọ Jihova ọ salọ

• Hib 7:26-28—Pọl ukọ na ọ ta vevẹ kpahe epanọ Jesu nọ ọ rrọ Ozerẹ nọ ọ mai kpehru na o ro wo ohẹriẹ no izerẹ ikpehru efa kpobi

Iriruo Ebaibol nọ e sai fiobọhọ kẹ owhẹ:

• Mt 4:23, 24—Jesu o dhesẹ nọ o wo ogaga vi idhivẹri, yọ ọ rẹ sai siwi oghoghẹrẹ ẹyao kpobi

• Mt 14:15-21—Jesu ọ rọ ikulu ebrẹdi isoi gbe imiyei ivẹ kuọ idu ahwo buobu nọ ohọo u je kpe

• Mt 17:24-27—Jesu o ru oware igbunu nọ o lẹliẹ Pita wo ugho nọ ọ rẹ rọ hwa osa-uzou etẹmpol na, re ohwo ọvo o gbe zoruẹ fiki riẹ hẹ

• Mak 1:40, 41—Jesu ọ re ohrọ ọzae jọ nọ ọ be mọ oti, o te siwi ei, yọ onana u dhesẹ nọ ọ ginẹ gwọlọ siwi ahwo nọ a be mọ

• Mak 4:36-41—Jesu o ru ẹkporo ọgaga serihọ, onọ u dhesẹ nọ Ọsẹ riẹ ọ kẹ riẹ ogaga nọ ọ rẹ rọ kpọ ofou, ame, gbe eware itieye efa

• Jọ 11:11-15, 31-45—Jesu ọ viẹ evaọ okenọ Lazarọs ogbẹnyusu riẹ o whu, kẹsena ọ tẹ kpare iẹe no uwhu ze, onọ u dhesẹ nọ o mukpahe uwhu gbe edada nọ o rẹ wha se ahwo

Iriruo Ebaibol nọ e sai fiobọhọ kẹ owhẹ:

• Ol 45:2-7, 16, 17—Olezi nana o dhesẹ nọ Ovie nọ Ọghẹnẹ o ro mu na o ti fi ewegrẹ riẹ kpobi kparobọ, yọ o ti su avọ omaurokpotọ, ọ te ta uzẹme, je ru eware nọ i kiẹrẹe

• Aiz 11:1-10—Okenọ Jesu o te mu otọakpọ na họ esu no, akpọ na o ti zihe ruọ aparadase, yọ udhedhẹ o te dafia