Iriruo Ebaibol nọ e sai fiobọhọ kẹ owhẹ:

• 2Ir 26:3-5, 16-21—Fikinọ omorro o ruọ udu Uzaya ovie na, ọ raha uzi Ọghẹnẹ, yọ ofu o mu rie okenọ a whọku ei, onana o tẹ lẹliẹ Jihova rọ oti tehe iẹe

• Luk 18:9-14—Jesu ọ rọ oriruo jọ dhesẹ epanọ Jihova o re rri elẹ ahwo nọ a wo omorro gbe elẹ ahwo nọ a wo omaurokpotọ

Iriruo Ebaibol nọ e sai fiobọhọ kẹ owhẹ:

• 2Ir 12:5-7—Rehoboam ovie na avọ ikpahwo-esuo Juda a hrẹ omarai kpotọ okenọ Jihova ọ ta ẹme kẹ ae, onana u ru nọ Jihova ọ gbẹ raha ae he

• 2Ir 32:24-26—Hẹzikaya nọ ọ jọ emamọ ovie o wo omorro evaọ oke jọ, rekọ Jihova ọ rọvrẹ riẹ nọ ọ romakpotọ

Iriruo Ebaibol nọ e sai fiobọhọ kẹ owhẹ:

• Emu 33:3, 4—Jekọp o dhesẹ nọ o wo omaurokpotọ gaga evaọ oghẹrẹ nọ o ro yere Esọ oniọvo riẹ nọ o mukpahe iẹe vẹre, o tẹ whae ze nọ aimava a ro ru udhedhẹ

• Ibr 8:1-3—Fikinọ Gidiọn o wo omaurokpotọ, ọ ta kẹ ezae Ifremu inọ a ru eware nọ e rro vi enọ o ru, o tẹ lẹliẹ ofu rai kpotọ, a gbe ru ozighi hi

Iriruo Ebaibol nọ e sai fiobọhọ kẹ owhẹ:

• Aiz 53:7; Fil 2:7, 8—Wọhọ epanọ a ruẹaro riẹ, Jesu ọ rọwo nọ ọ rẹ ziọ otọakpọ na ti ru iruo nọ Ọghẹnẹ ọ kẹ riẹ fikinọ o wo omaurokpotọ, ọ tẹ jẹ rọwo nọ o re whu uwhu oja avọ edada

• Luk 14:7-11—Jesu o gbiku jọ kpahe ahwo nọ a be nyae keria eria nọ e mai kpehru evaọ ehaa ro dhesẹ nọ u re fiobọhọ kẹ omai nọ ma te wo omaurokpotọ

• Jọ 13:3-17—Jesu o fi emamọ oriruo omaurokpotọ hotọ kẹ ilele riẹ nọ ọ wozẹ awọ ikọ riẹ, iruo nọ u fo nọ ọrigbo o re ru