Iriruo Ebaibol nọ e sai fiobọhọ kẹ owhẹ:

• Ru 1:11-13, 20—Nọ ọzae Naomi avọ emezae ivẹ riẹ i whu no, Naomi o te je weri gaga, yọ o je roro nọ Jihova ọ nyasiọ iẹe ba no

• Job 3:1, 11, 25, 26; 10:1—Ọkora ọ jọ Job oma gaga fikinọ eware kpobi nọ o wo i vru, emọ ikpe riẹ i whu, ẹyao o te je kiei

Eria Ebaibol nọ e sae sasa owhẹ oma:

• Rom 12:19; Jem 1:13

Iriruo Ebaibol nọ e sae sasa owhẹ oma:

• Ru 1:6, 7, 16-18; 2:2, 19, 20; 3:1; 4:14-16—Naomi o si kẹle ahwo Ọghẹnẹ, ọ rọwo nọ a fiobọhọ kẹe, o te je fiobọhọ kẹ omọfa re, ere ọ rọ wariẹ wo evawere uwhremu na

• Job 42:7-16; Jem 5:11—Job o thihakọ fikinọ o wo ẹrọwọ, Jihova ọ tẹ ghale iẹe ziezi uwhremu na

Iriruo Ebaibol nọ e sai fiobọhọ kẹ owhẹ:

• 1Sa 1:6, 7, 10, 13-16—O da Hana gaga fiki oghẹrẹ nọ Pẹnina o je ru ei, gbe okenọ Ilai Ozerẹ Okpehru na ọ vuẹe nọ ọ da idi bẹ no

• Job 8:3-6; 16:1-5; 19:2, 3—Egbẹnyusu esa Job nọ u fo nọ a rẹ sasa iẹe oma, a jẹ yẹ eme kẹe gheghe gheghe, onọ o lẹliẹ Job jọ uweri vi epanọ ọ jọ vẹre

Eria Ebaibol nọ e sae sasa owhẹ oma:

• Ol 37:8, 9; Ẹf 4:26

Iriruo Ebaibol nọ e sae sasa owhẹ oma:

• 1Sa 1:9-11, 18—Udu u te Hana otọ nọ o horie eva riẹ kẹ Jihova no

• Job 42:7, 8, 10, 17—Nọ Job ọ rọvrẹ egbẹnyusu riẹ no, Jihova o te siwi ẹyao riẹ kpo jẹ ghale iẹe

Iriruo Ebaibol nọ e sai fiobọhọ kẹ owhẹ:

• 2Iv 22:8-13; 23:1-3—Josaya avọ ahwo nọ o bi su a vuhumu nọ a ru thọ gaga nọ a se Uzi Mosis na kẹ ae no, onọ o lẹliẹ udu brukpe ae gaga

• Ẹzr 9:10-15; 10:1-4—Udu u brukpe Ẹzra avọ ahwo na gaga keme a rehọ eyae erẹwho efa nọ Jihova ọ vuẹ rai nọ a rọo ho

• Luk 22:54-62—Udu u brukpe Pita gaga nọ ọ vro Jesu isiasa soso no

Eria Ebaibol nọ e sae sasa owhẹ oma:

• Ol 32:5; 103:9-14; Aiz 1:18; Iru 3:19

• Je rri Aiz 38:17; Mae 7:18, 19

Iriruo Ebaibol nọ e sae sasa owhẹ oma:

• 2Ir 33:9-13, 15, 16—Manasẹ ọ jọ usu ivie nọ e mai yoma kpaobọ nọ i su Juda, rekọ o kurẹriẹ, Ọghẹnẹ ọ tẹ riẹe ohrọ

• Luk 15:11-32—Jesu ọ kẹ ọtadhesẹ ọmọ ogbọfariẹ na ro dhesẹ nọ Jihova ọ rẹ rọvrẹ gaga, yọ ọ rẹ rọvrẹ riẹriẹriẹ

Iriruo Ebaibol nọ e sai fiobọhọ kẹ owhẹ:

• 2Iv 20:1-3—Hẹzikaya ovie na ọ viẹ gaga fikinọ ọ mọ kẹle uwhu no

• Fil 2:25-30—Epafrodaitọs ọ jọ ọkora fikinọ inievo ukoko na a yo nọ ọ jẹ mọ, o tẹ jẹ lẹliẹe ruawa inọ a ti rri rie nọ ọ sai ru iruo nọ a kẹ riẹ hẹ

Eria Ebaibol nọ e sae sasa owhẹ oma:

• Ol 92:12-14; Aiz 40:29-31; 46:4; 2Kọ 8:12

Iriruo Ebaibol nọ e sae sasa owhẹ oma:

• 2Sa 17:27-29; 19:31-38—Fikinọ Devidi ovie na o you Bazilae gaga, ọ tẹ jẹ tẹzẹ iẹe re o lele iei kpobọ Jerusalẹm, rekọ Bazilae ọ rọwo ho keme ọ riẹ nọ ọ kpako hrọ no kẹ iruo yena

• Ol 41:1-3, 12—Okenọ Devidi ọ jẹ mọ gaga, o fievahọ Jihova nọ ọ te sẹro riẹ

• Mak 12:41-44—Jesu o jiri aye-uku oyogbe jọ nọ ọ kẹ okẹ unevaze keme onọ o wo kpobi o fihọ