Oware nọ O kẹ Omai Uye
O rẹ sae kẹ omai uye nọ amọfa a te ru omai oware nọ o da omai hayo vivie omai
Iriruo Ebaibol nọ e sai fiobọhọ kẹ owhẹ:
1Sa 8:1-6—O kẹ Samuẹle ọruẹaro na uye gaga evaọ okenọ ahwo Izrẹl a je si ikẹ nọ a rọ ovie mu kẹ ae
1Sa 20:30-34—O kẹ Jonatan uye gaga evaọ okenọ Sọl ọsẹ obọriẹ ọ jẹ dheva kẹe je kpomovuọ họ iẹe oma
Eria Ebaibol nọ e sae sasa owhẹ oma:
Iriruo Ebaibol nọ e sae sasa owhẹ oma:
Ol 55:12-14, 16-18, 22—Dede nọ ogbẹnyusu ọkpekpe Devidi nọ a re se Ahitofẹl o vivie i rie, Devidi o gbolo owha riẹ kẹ Jihova ghele, yọ Jihova ọ sasa e riẹ oma
2Ti 4:16-18—Okenọ uye u te Pọl ukọ na, ahwo a dhẹ siọ iẹe ba, rekọ Jihova ọ kẹ riẹ ogaga, ẹruore nọ Jihova ọ kẹ riẹ o te je fiobọhọ kẹe
O rẹ kẹ omai uye nọ oware jọ o tẹ be hae thọ omai obọ, hayo nọ ma tẹ raha uzi
Iriruo Ebaibol nọ e sai fiobọhọ kẹ owhẹ:
Ol 51:1-5—Devidi ovie na o weri gaga fikinọ ọ raha izi Jihova
Rom 7:19-24—Pọl ukọ na o rri omariẹ nọ o fioka ohwo ho fiki iroro uzioraha nọ o riẹ oma nọ o je lele muabọ ẹsikpobi
Eria Ebaibol nọ e sae sasa owhẹ oma:
Iriruo Ebaibol nọ e sae sasa owhẹ oma:
1Iv 9:2-5—O make rọnọ Devidi ovie na ọ raha izi ilogbo jọ, Jihova ọ ta kpahe iẹe nọ ọ rehọ udu riẹ kpobi gọe
1Ti 1:12-16—Dede nọ Pọl ukọ na ọ raha izi ilogbo evaọ okenọ u kpemu, u mu rie ẹro nọ a te riẹe ohrọ
Enana E Sae jẹ Were Owhẹ
ZIHE BRU JIHOVA ZE
Evedha—Nọ Ma te ‘Wo Oware jọ nọ U re Ru Omai Go’
Eware esa jọ nọ Ebaibol na o wuhrẹ e sai fiobọhọ kẹ owhẹ thihakọ nọ ibe ọg’Ọghẹnẹ o te ru owhẹ thọ.
Eware nọ Whọ rẹ Sai Wuhrẹ Evaọ Ebaibol Na
Devidi Ovie na Ọ Raha Uzi
Iroro nọ Devidi ọ jẹ thọ e wha ebẹbẹ buobu ze.
RỌ ARO KELE ẸRỌWỌ RAI
Samuẹle O Thihakọ Ghelọ Ebẹbẹ
Ẹsejọ mai kpobi ma rẹ rẹriẹ ovao dhe ebẹbẹ gbe ise-abọ nọ e rẹ sae gwọlọ whrehe ẹrọwọ mai. Eme ma rẹ sai wuhrẹ no ithihakọ Samuẹle ze
KPAHE OMAI
Yare nọ Isẹri Jihova A Nyabru Owhẹ Ze
Wha te ta ẹme kpahe onọ Ebaibol na jọ, hayo whọ te riẹ ahwo nọ Isẹri Jihova a rrọ.
