Kpohọ eme nọ e riẹ eva

Kpohọ oria eware nọ e riẹe eva

Ro Eva (opens new window)
Gwọlọ JW.ORG

Usi Uwoma Ota

Usi Uwoma Ota

Fikieme Ileleikristi uzẹme kpobi a rẹ rọ vuẹ amọfa kpahe eware nọ a rọwo?

Mt 28:19, 20; Rom 10:9, 10; Hib 13:15

Je rri Iru 1:8; 1Kọ 9:16

Ẹvẹ iruo usi uwoma ota na e jọ Jesu oja te?

Luk 8:1; Jọ 18:37

  • Iriruo Ebaibol nọ e sai fiobọhọ kẹ owhẹ:

    • Luk 4:42-44—Jesu ọ ta nọ Ọghẹnẹ o vi rie ziọ otọakpọ na te ta usi uwoma

    • Jọ 4:31-34—Jesu ọ ta nọ iruo usi uwoma ota na e wọhọ emu kẹe

Kọ ezae nọ e be kobaro evaọ ukoko na ọvo họ ahwo nọ a rẹ ta usi uwoma na?

Ol 68:11; 148:12, 13; Iru 2:17, 18

  • Iriruo Ebaibol nọ e sai fiobọhọ kẹ owhẹ:

    • 2Iv 5:1-4, 13, 14, 17—Ọmọtẹ ọsese Izrẹl jọ ọ ta kẹ oni-uwou riẹ nọ ọ jọ ohwo Siria kpahe ọruẹaro Jihova nọ a re se Elaesha

    • Mt 21:15, 16—Okenọ eva e jẹ dha ilori izerẹ gbe ikere-obe na fikinọ emaha a je jiri Jesu, Jesu ọ rọwokugbe ai hi

Ẹvẹ esẹro nọ e rrọ ukoko na a sai ro wuhrẹ amọfa re a ta usi uwoma na je wuhrẹ ahwo ziezi?

1Tẹ 1:5, 6; 2Ti 2:2; 1Pi 5:2, 3

Oghẹrẹ vẹ Jihova avọ Jesu a bi ro fiobọhọ kẹ omai re ma sai ru iruo usi uwoma ota na ziezi?

2Kọ 4:7; Fil 4:13; 2Ti 4:17

  • Iriruo Ebaibol nọ e sai fiobọhọ kẹ owhẹ:

    • Iru 16:12, 22-24; 1Tẹ 2:1, 2—O make rọnọ a gboja kẹ Pọl ukọ na avọ ahwo nọ a gbẹ jọ usu, Ọghẹnẹ o fiobọhọ kẹ ae nọ a gbẹ jẹ rọ ta usi uwoma na ududu

    • 2Kọ 12:7-9—Pọl ukọ na nọ usi uwoma ota o jẹ hae bẹ hẹ ọ ta nọ o wo “unwe evaọ oma” riẹ nọ u je duwu iei, ẹsejọhọ ẹyao jọ nọ ọ jẹ kẹe uye. Ghele na, Jihova ọ kẹ riẹ ẹgba nọ o gbẹ jẹ rọ ta usi uwoma na

Ono ọ kẹ omai udu hayo ru omai te nọ ma be rọ ta usi uwoma na?

1Kọ 1:26-28; 2Kọ 3:5; 4:13

  • Iriruo Ebaibol nọ e sai fiobọhọ kẹ owhẹ:

    • Jọ 7:15—U je gbe ahwo orẹwho Jesu unu inọ o wo eriariẹ gaga dede nọ o kpohọ isukulu egagọ rai hi

    • Iru 4:13—Ahwo a je rri ikọ Jesu fihọ ahwo nọ a viodẹ hẹ, nọ i kpohọ isukulu hu, ghele na, a jẹ rọ ajọwha ta usi uwoma na ududu

Ẹvẹ ma rọ riẹ nọ Jihova ọ gwọlọ nọ ma wuhrẹ amọfa re a ta usi uwoma na je wuhrẹ ahwo?

Mak 1:17; Luk 8:1; Ẹf 4:11, 12

  • Iriruo Ebaibol nọ e sai fiobọhọ kẹ owhẹ:

    • Aiz 50:4, 5—Okenọ Mesaya na ọ re ziọ otọakpọ họ, Jihova Ọghẹnẹ họ Ọnọ o je wuhrẹ iẹe

    • Mt 10:5-7—Okenọ Jesu ọ jọ otọakpọ, ọ rọ odiri wuhrẹ ilele riẹ epanọ a re ru iruo usi uwoma ota na

Ẹvẹ u fo nọ ma re rri iruo usi uwoma ota nọ a kẹ omai na?

Mt 11:29, 30; 1Ti 1:12

Nọ ohwo ọ tẹ be ta usi uwoma na, eme o rẹ wha sei?

Luk 10:1, 17; Iru 13:48, 52; 15:3; 20:35

Eme ma be hae ta kpahe evaọ usi uwoma?

Mt 24:14; 28:19, 20; Iru 26:20; Ev 14:6, 7

Je rri Aiz 12:4, 5; 61:1, 2

Fikieme Ileleikristi a rẹ rọ fere iwuhrẹ erue nọ ahwo a bi wuhrẹ via?

2Kọ 10:4, 5

  • Iriruo Ebaibol nọ e sai fiobọhọ kẹ owhẹ:

    • Mak 12:18-27—Jesu ọ ta ẹme no Ikereakere na ze vevẹ ro dhesẹ kẹ otu Sadusi na nọ oware nọ a rọwo kpahe ẹkparomatha na o gba ha

    • Iru 17:16, 17, 29, 30—Pọl ukọ na ọ ta eme nọ i dhesẹ vevẹ kẹ ahwo Athẹns nọ ẹdhọgọ o woma ha

Oghoghẹrẹ eria vẹ ma be hae jọ ta usi uwoma?

Iru 5:42; 17:2; 20:20

Fikieme ma be hae rọ ta usi uwoma kẹ amọfa evaọ ẹgbede?

Jọ 18:20; Iru 16:13; 17:17; 18:4

Je rri Itẹ 1:20, 21

Fikieme o rọ gwọlọ nọ ma re wo odiri je tilẹmu iruo usi uwoma ota na?

Aiz 6:9-11; 2Pi 3:9

Ewoma vẹ o re no iruo usi uwoma ota na ze?

Iru 14:20-22; 19:9, 10

Fikieme ma rẹ rọ ruẹrẹ oma kpahe re ma rọ uvẹ kpobi ta usi uwoma na?

1Kọ 9:23; 1Ti 2:4; 1Pi 3:15

  • Iriruo Ebaibol nọ e sai fiobọhọ kẹ owhẹ:

    • Jọ 4:6, 7, 13, 14—O make jọ nọ oma o rrọ Jesu no, ọ ta usi uwoma kẹ aye Sameria jọ evaọ akotọ oza jọ

    • Fil 1:12-14—Dede nọ a fi Pọl ukọ na họ uwou-odi fiki ẹrọwọ riẹ, ọ rọ uvẹ nọ o wo kpobi ta usi uwoma jẹ tuduhọ amọfa awọ

Kọ u fo re ma rẹro nọ ohwo kpobi ọ te gaviezọ kẹ ovuẹ mai?

Jọ 10:25, 26; 15:18-20; Iru 28:23-28

  • Iriruo Ebaibol nọ e sai fiobọhọ kẹ owhẹ:

    • Jer 7:23-26—Jihova ọ rọ Jerimaya ta nọ ahwo riẹ a jẹ rọwo gaviezọ kẹ eruẹaro Riẹ hẹ

    • Mt 13:10-16—Jesu ọ ta nọ ahwo buobu a ti yo ovuẹ na rekọ a te daezọ họ, nwanọ wọhọ epanọ ahwo a je ru evaọ oke Aizaya

Fikieme u gbe bi gbe omai unu hu inọ ahwo buobu a bi wo uvẹ gaviezọ kẹ usi uwoma na ha?

Mt 13:22; 24:38, 39; Luk 17:28, 29

Eme u dhesẹ nọ ahwo jọ a te gaviezọ jẹ rọwo nọ a re wuhrẹ, rekọ u te te oria jọ a vẹ seba?

Mak 4:14-17; Jọ 6:65, 66

Nọ ahwo jọ a tẹ be wọso iruo usi uwoma ota mai na ovao dhe ovao, iriruo vẹ i re fiobọhọ kẹ omai nọ u gbe ro gbe omai unu hu?

Iru 13:50; 18:5, 6; 1Pi 4:12-14

Eme ma re ru nọ ahwo a tẹ be wọso iruo usi uwoma ota mai?

Mt 5:10-12; 10:14, 23; Fil 1:7

Fikieme o sai ro mu omai ẹro nọ ahwo jọ a te kezọ jẹ jẹ usi uwoma na rehọ?

Luk 8:15; Jọ 4:40, 41; Iru 16:14, 15; 17:11, 33, 34

Eme Ọghẹnẹ ọ gwọlọ nọ ahwo nọ a riẹ usi uwoma na no a re ru?

Iru 20:26, 27; 1Kọ 9:16, 17; 1Ti 4:16

Je rri Iz 33:8

Fikieme ma rẹ rọ ta usi uwoma kẹ oghẹrẹ ahwo kpobi, ghelọ egagọ rai, ovioma rai, hayo orẹwho nọ a no ze kẹhẹ?

Mt 24:14; Iru 10:34, 35; Ev 14:6

Je rri Ol 49:1, 2

Kọ o thọ re ma ta usi uwoma evaọ ẹdẹ kpobi ẹkpoka na, te ẹdẹ Ẹdijala?

Iru 5:42; 13:42, 44; 16:13

Kọ iriruo vẹ i dhesẹ nọ o thọ họ re ma ta usi uwoma kẹ ahwo kpobi, o tẹ make rọnọ a wo Ebaibol jẹ rrọ egagọ jọ?

Iru 13:46; Gal 2:7, 8

 

Enana E Sae jẹ Were Owhẹ

ENỌ NỌ AHWO A RẸ NỌ KẸSE KẸSE

Fikieme Isẹri Jihova A re ro Zihe Nyae Ta Usi Uwoma kẹ Ahwo nọ A Ta Evaọ Okejọ nọ “Mẹ Gwọlọ Yo Ho”?

Oware ovona o be wọ ae ru onana.

JESU HỌ EDHERE NA, UZẸME NA, GBE UZUAZỌ NA

Jesu Ọ Ta Usiuwoma kẹ Aye Sameria

Jesu ọ vuẹ aye na oware jọ nọ u muẹro nọ ọyomariẹ ọ re vuẹ ohwo ọvo ho.

Eware nọ Whọ rẹ Sai Wuhrẹ Evaọ Ebaibol Na

Ọgbaẹmo na avọ Ọmọtẹ Ọsese Na

Ọmọtẹ ọsese Izrẹl na ọ ta kẹ aye olori riẹ kpahe ogaga ulogbo Jihova, yọ emamọ iyẹrẹ i no rie ze.

KPAHE OMAI

Yare nọ Isẹri Jihova A Nyabru Owhẹ Ze

Wha te ta ẹme kpahe onọ Ebaibol na jọ, hayo whọ te riẹ ahwo nọ Isẹri Jihova a rrọ.

ERIA EBAIBOL NỌ I RE FIOBỌHỌ KẸ OMAI GỌ JIHOVA

Usi Uwoma Ota

Isoko
Usi Uwoma Ota
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl ẹwẹ. 113-116
ENỌ E RIẸ
Usi Uwoma Ota
Oghẹrẹ enọ e riẹ nọ whọ rẹ sae danlodu Eria Ebaibol nọ I re Fiobọhọ kẹ Omai Gọ Jihova