Uweri
Iriruo Ebaibol vẹ i dhesẹ nọ o thọ họ re ma weri nọ ohwo o te whu?
Eme u dhesẹ nọ Jihova ọ ruẹrẹ oma kpahe re ọ sasa ahwo nọ a rrọ uweri oma?
Nọ ohwo ọ tẹ riẹ kpahe oghẹrẹ nọ ahwo nọ a whu no a rrọ, ẹvẹ o sae rọ sasa iẹe oma?
-
Iriruo Ebaibol nọ e sai fiobọhọ kẹ owhẹ:
-
Luk 20:37, 38—Jesu ọ ta nọ a te kpare ahwo nọ a whu no ze, yọ onana u muẹro te epanọ o rọ wọhọ nọ ahwo nọ a whu no a rrọ uzuazọ evaọ aro Ọghẹnẹ
-
Jọ 11:5, 6, 11-14—Jesu ọ rọ uwhu dhesẹ owezẹ evaọ okenọ Lazarọs ogbẹnyusu riẹ o whu
-
Hib 2:14, 15—Pọl ọ ta nọ ahwo buobu a rrọ igbo fiki ozọ uwhu, rekọ u du gwọlọ nọ ma rẹ dhozọ uwhu hu
-
Fikieme odẹ nọ ohwo o wo evaọ okenọ o ro whu u ro wuzou vi okenọ a ro yẹi?
Ẹvẹ Ebaibol o dhesẹ uwhu, kọ eme Ọghẹnẹ o ti ru kpahe uwhu?
Fikieme u ro mu omai ẹro nọ a te kpare ahwo ze evaọ obaro?
Aiz 26:19; Jọ 5:28, 29; Iru 24:15
-
Iriruo Ebaibol nọ e sai fiobọhọ kẹ owhẹ:
-
A jọ Ebaibol na gbiku imaree nọ a kpare no uwhu ze nọ a wariẹ rria otọakpọ na, gbe Jesu nọ a kpare no uwhu ze, o te kpobọ odhiwu. Iriruo nana e sae sasa ohwo nọ ohwo o whu ku oma, je ru ei wo ẹruore inọ ohwo riẹ nọ o whu na ọ sae kparoma ze
-
1Iv 17:17-24—Nọ ọmọzae aye-uku jọ o whu evaọ Zarefat nọ ọ rrọ Saedọn, Elaejah ọ kpare riẹ no uwhu ze
-
2Iv 4:32-37—Elaesha ọ kpare ọmọzae jọ no uwhu ze evaọ Shunẹm, ọ tẹ rehọ iẹe kẹ ọsẹgboni riẹ
-
2Iv 13:20, 21—Nọ a gbolo ori ọzae jọ nọ o whu no fihọ oria nọ a ki Elaesha ọruẹaro na fihọ, ori na o je te igbenwa Elaesha, ọzae na ọ tẹ kparoma ze
-
Luk 7:11-15—Ẹdẹ jọ nọ Jesu ọ nyaku ogbotu jọ nọ a jẹ wọ ọmọzae aye-uku jọ nyai ki evaọ okpẹwho nọ a re se Nein, ọ tẹ kpare ọmọzae na no uwhu ze
-
Luk 8:41, 42, 49-56—Okenọ ọmọtẹ Jairọs nọ ọ jọ oletu isinagọgo na o whu, Jesu ọ kpare riẹ no uwhu ze
-
Jọ 11:38-44—Jesu ọ kpare Lazarọs ogbẹnyusu riẹ no uwhu ze, o te ru nọ ọ rọ wariẹ kuomagbe Mata avọ Meri inievo riẹ
-
Iru 9:36-42—Pita ọ kpare Dọkas no uwhu ze, ọnọ ahwo a riẹ nọ o re ru ọghọ gaga
-
Iru 20:7-12—Pọl ukọ na ọ kpare ọmọzae jọ nọ a re se Yutikọs no uwhu ze, ọnọ o kie no unwido fihọ otọ, o te whu
-
-
Jihova ọ kpare Jesu no uwhu ze kpobọ odhiwu, ọ tẹ kẹe oma ẹzi nọ o re whu hu, yọ onana u ru omai wo imuẹro inọ eyaa Ọghẹnẹ kpobi i ti rugba
-
Jesu họ ohwo ọsosuọ nọ a kpare kpobọ odhiwu jẹ kẹ oma nọ o re whu hu, rekọ ọye ọ te jọ ohwo urere he. Ilele riẹ nọ a rọ ẹzi wholo nọ i bu te idu udhuhrẹ-gbene (144,000) a te kpare ai kpobọ odhiwu re je wo oma nọ o re whu hu
-
Oghẹrẹ vẹ ma sai ro fiobọhọ kẹ ahwo nọ a bi weri fiki ohwo rai nọ o whu?