ABỌ AVỌ 8
Eme Uwhu Jesu U Ru kẹ Owhẹ?
Jesu o whu re ma ruẹsi wo uzuazọ. Jọn 3:16
Ẹdẹ avesa nọ Jesu o whu no, eyae jọ a te kpobọ uki riẹ, a tẹ ruẹ nọ o rrọ ofofe. Jihova ọ kpare Jesu no uwhu ze no.
Kẹsena Jesu ọ tẹ romavia kẹ ikọ riẹ.
Ẹhẹ, Jihova ọ kpare Jesu ze uzuazọ wọhọ omama ẹzi nọ o wo ogaga ulogbo, nọ o re gbe whu ofa ha. Ilele Jesu a ruẹ e riẹ nọ o je muvrẹ kpohọ odhiwu.
Ọghẹnẹ ọ kpare Jesu no uwhu ze, ọ tẹ rehọ iẹe mu Ovie ọrọ Uvie Ọghẹnẹ. Daniẹl 7:13, 14
Jesu o siobọno uzuazọ riẹ rọ hwosa ẹtanigbo ahwo-akpọ. (Matiu 20:28) Ẹkwoma ẹtanigbo yena, Ọghẹnẹ o ru rie lọhọ kẹ omai nọ ma te rọ rria bẹdẹ bẹdẹ.
Jihova ọ rọ Jesu mu Ovie nọ o ti su otọakpọ na. A te kpare ahwo idu udhuhrẹ-gbene (144,000) nọ i wo ẹrọwọ kpobọ odhiwu nọ a ti lele iei su. Jesu avọ ahwo idu udhuhrẹ-gbene na a ru egọmeti obọ odhiwu via, koyehọ, Uvie Ọghẹnẹ.—Eviavia 14:1-3.
Uvie Ọghẹnẹ u ti ru otọakpọ na fihọ aparadase. Ẹmo, ethube, uvuhu, gbe ohọo e te gbẹ jọ ofa ha. Ahwo a ti gine wo evawere.—Olezi 145:16.
Enana E Sae jẹ Were Owhẹ
IWUHRẸ EBAIBOL NỌ I WUZOU
Fikieme Jesu O ro Whu?
Ebaibol na ọ vuẹ omai oware nọ uwhu Jesu u je wuzou. Kọ uwhu riẹ u wo erere jọ kẹ omai?
EBAIBOL NA—OVUẸ VẸ O RIẸ EVA?
A Kpe Jesu Kristi
EKAREGHẸHỌ
Ru Ekareghẹhọ Uwhu Jesu
Ma zizie owhẹ nọ who kuomagbe omai ru ekareghẹhọ uwhu Jesu evaọ oghẹrẹ nọ ọ ta nọ ma ru ei. Riẹ epanọ uzuazọ gbe uwhu Jesu o sae rọ kẹ owhẹ erere.
EBE GBE IBROSHỌ
Kọ Ahwo nọ A Whu No A Sae Ginẹ Wariẹ Ziọ Uzuazọ?
Kọ ohwo o whu ku owhẹ no ẹdẹ jọ? Eyaa omosasọ nọ e rrọ Ebaibol na e sai fiobọhọ kẹ owhẹ.
