ABỌ AVỌ 3
Ẹvẹ Uzuazọ O Jọ Evaọ Aparadase nọ Ọ Vrẹ Na?
Jihova ọ kẹ Adamu avọ Ivi eware iwoma buobu. Emuhọ 1:28
Jihova ọ ma aye ọsosuọ na, Ivi, ọ tẹ rehọ iẹe kẹ Adamu re ọ jọ aye riẹ.—Emuhọ 2:21, 22.
Jihova ọ ma rai gbagba evaọ ugboma gbe iroro.
Ọgbọ Idẹn ọ jọ uwou aparadase rai—oria uwowoma nọ erao e jọ, nọ ethẹ gbe ire nọ e rẹ mọ ibi e jọ.
Jihova ọ jẹ hae ta ẹme kẹ ae; ọ jẹ hai wuhrẹ ae eware. A hae gaviezọ kẹe, a hae te rria bẹdẹ bẹdẹ evaọ Aparadase evaọ otọakpọ na.
Ọghẹnẹ ọ ta nọ a re ubi ure ọvo jọ họ. Emuhọ 2:16, 17
Jihova o dhesẹ ure jọ kẹ Adamu avọ Ivi evaọ ọgbọ na jẹ vuẹ ae nọ a re ubi riẹ hẹ, inọ a tẹ re iẹe a ti whu.
Ọjọ evaọ usu ikọ-odhiwu na ọ wọso Ọghẹnẹ. Ukọ-odhiwu omuomu yena họ Setan Ẹdhọ na.
Setan ọ gwọlọ nọ Adamu avọ Ivi a yoẹme kẹ Jihova ha. Ọ tẹ rehọ ẹkwoma araomuomu vuẹ Ivi inọ ọ tẹ re ubi ure yena, o ti whu hu, ukpoye ọ te jọ wọhọ Ọghẹnẹ. Rekọ ọrue ọ ta na.—Emuhọ 3:1-5.
Enana E Sae jẹ Were Owhẹ
IWUHRẸ EBAIBOL NỌ I WUZOU
Fikieme Ọghẹnẹ Ọ rọ Ma Otọakpọ Na?
Akpọ na o woma kẹhẹ. Oria nọ akpọ na ọ rrọ, o thabọ no hayo kẹle ọre na je bi ghelie gahrọ họ. Eme Ọghẹnẹ ọ rọ romatotọ ma akpọ na woma tenẹ?
EBAIBOL NA—OVUẸ VẸ O RIẸ EVA?
