Abọ nana ọ ta kpahe Ikereakere Griki Ileleikristi na. A yẹ Jesu evaọ uviuwou nọ u wo ugho tere he. Uviuwou na o jẹ rria ẹmẹwho ọsese jọ. Jesu o je lele ọsẹ riẹ ru iruo ekapenta. Jesu họ ọnọ o ti siwi ahwo-akpọ. Jihova ọ salọ e riẹ re ọ jọ ovie Uvie riẹ nọ o rrọ obọ odhiwu. Whọ tẹ rrọ ọsẹ hayo oni, fiobọhọ kẹ ọmọ ra re ọ riẹ epanọ Jihova ọ rọ salọ emamọ uviuwou gbe oria nọ a te jọ yẹ Jesu. Se kpahe epanọ Jihova ọ rọ thọ Jesu no obọ Herọd nọ ọ jẹ gwọlọ iẹe kpe, gbe epanọ oware ovo o sae rọ whaha orugba ẹjiroro Jihova ha. Wuhrẹ kpahe epanọ Jihova ọ rọ kẹ Jọn iruo re ọ ruẹrẹ edhere họ kẹ Jesu. Ta kpahe epanọ Jesu o ro dhesẹ nọ areghẹ Jihova ọ were riẹ, makọ okenọ ọ gbẹ jọ emaha.