Nọ emọ Izrẹl a fa Abade Ọwawae na vrẹ te emerae ivẹ no, a tẹ te nyate Ugbehru Saena. Jihova ọ tẹ jọ etẹe re ọvọ kugbe ai re a jọ orẹwho obọdẹ kẹe. Ọ thọ rai, jẹ kẹ ae eware kpobi nọ a gwọlọ. Ọ kẹ rai mana nọ a jẹ re, iwu rai e bẹre he, yọ a jẹ rria ababọ ozọ. Otẹrọnọ whẹ yọ ọsẹ hayo oni, fiobọhọ kẹ ọmọ ra riẹ oware nọ Jihova ọ rọ kẹ emọ Izrẹl izi, uwou-udhu na, gbe izerẹ nọ i je dhe idhe. Ta kpahe epanọ u wuzou te re ma ru ẹme mai gba, wo omaurokpotọ, jẹ talamu Jihova ẹsikpobi.