RRI iwoho na. Ọvuọvo odhesẹ uye nọ Jihova ọkẹ Ahwo-Ijipti. Uwoho ọsosuọ whọ sae ruẹ Erọn nọ ọbe rehọ ọkpọ fa ame Ethẹ Nael. Okenọ o ru ere, ame ethẹ na o te zihe ruọ azẹ. Iyei iwhu, ethẹ na o te mu ore utuoma họ egbo.

Ofariẹ, Jihova o ru ikere no Ethẹ Nael na ze. Ejọ eria kpobi​—⁠eva ibruwou errae, imidhe, ehwa ahwo​—eriakpobi. Okenọ ikere na iwhu no Ahwo-Ijipti a te kokae họ ẹkwẹko ilogbo, otọ na u te bi gbore utuoma fiki rae.

Erọn ọ tẹ jẹ rehọ ọkpọ riẹ fotọ, ovu o te zihe ruọ etọle. Etọle na yọ iyẹ esese nọ erẹ rowo. Etọle na họ uye avesa eva otọ Ijipti.

Iye nọ ikiọkọ na Ahwo-Ijipti ọvo enwoma, i te Ahwo-Izrẹl he. Uye avene họ iyẹ logbo nọ erra vọ iwou Ahwo-Ijipti soso. Uye avisoi ute erao. Ithuru iruẹ gbe igodẹ jegbe ewe Ahwo-Ijipti i te whu.

Ofa riẹ, Mosis avọ Erọn a whẹ enwo jọ a te gbolie’i kpohọ ehru. Etẹ wha ela iyoma fihọ ahwo gbe erao oma. Onana họ uye avọ ezeza.

Uno oye na no Mosis ọ tẹ riẹ obọ riẹ rri ehru. Jihova ọ jẹ rehọ egbrara avọ ameitho ze. Onana họ osoitho nọ omai yoma nọ o te Ijipti.

Orọ avọ eree kọ owa ebaka-ẹkpẹ buobu. A te ruẹ ebaka-ẹkpẹ nọ i bu te ere oke ovo ho hayo anwẹ nọ arọ rọ. E tẹ re eware kpobi nọ osoitho ọ raha kiọkọ.

Uye avọ izii họ ebi. Edẹ esa soso ebi oruru otọ na, rekọ Ahwo-Izrẹl a wo elo eva eria nọ a jẹ ria.

Uwremu riẹ, Ọghẹnẹ ọ tẹ ta kẹ ahwo riẹ re a rehọ azẹ ẹmẹwe hayo omogodẹ gbe inuẹthẹ rae. Ẹnjẹle Ọghẹnẹ ọ tẹ nya Ijipti vrẹ. Nọ ẹnjẹle ọruẹ azẹ, o gbe kpe ọvuọvo nọ ọrọ eva uwou na ha. Rekọ iwou kpobi nọ azẹ ọrọ aro unuẹthẹ riẹ hẹ, ẹnjẹle Ọghẹnẹ o te kpe enwara te e rọ ahwo gbe erao. Onana ojọ uye avọ 10.

Uye urere nana ovrẹ no, Fẹro ọ tẹ ta nọ Ahwo-Izrẹl akpo. Ahwo Ọghẹnẹ a ruẹrẹ oma ukpo fihọ no, aso ọyena a je mu Ijipti họ ẹnyano.