ABỌ AVỌ 4
Ovie Izrẹl Ọsosuọ ri te Igbo Eva Babilọn
Sọl ọ tẹ ze ovie ọsosuọ Izrẹl. Rekọ Jihova ọ se riẹ, kọ Devidi a salọ nọ ọ te jọ ovie eva ẹta riẹ. Ma gwọlọ eware buobu via rọ kpahe Devidi. Wọhọ uzoge, ọ họre Ogwara Goliat. Uwruemuna ọ dhẹ vọ Ovie Sọl ọreihri na abọ. Kẹsena Abigẹle nọ owerru ziezi na ọ whahe riẹ oware ugheghẹ eruo.
Ofariẹ, ma wuhrẹ eware buobu rọ kpahe Solomọn ọmọzae Devidi, ọnọ ọze rehọ ẹta Devidi ovie Izrẹl. Ivie esa ọsosuọ Izrẹl omomọvo ọ rehọ ikpe 40 ro su. Okenọ Solomọn o ti whu no, Izrẹl a tẹ ghale oma kpohọ ivie ivẹ, uvie ọrọ obọze ọre gbe ẹkpẹlobọ ọre.
Uvie ọrọ erua-10 obọze ọre o kri te ikpe 257 re Ahwo-Asiria a tẹ ze rahiẹe. Nọ ikpe 133 evrẹ nọ, uvie orọ erua-ivẹ orọ ẹkpẹlobọre, a tẹ jẹ rahiẹe. Eva oke nana a tẹ rehọ Ahwo-Izrẹl kpohọ igbo obọ Babilọn. Fikiere Abọ Avọ ENE na o gbe iku ọrọ etoke ikpe 510 udevie etoke nọ ma rẹ te jọ ruẹ eware buobu nọ evrẹ no.
ENỌ E RRỌ OFẸ NANA
IKUIGBE AVỌ 56
Sọl—Ovie Ọsosuọ Izrẹl
Ọghẹnẹ ọ kake salọ Sọl rekọ ọ tẹ se iẹe uwhremu na, ma rẹ sai wuhrẹ oware jọ no iku riẹ ze.
IKUIGBE AVỌ 58
Devidi Gbe Goliat
Orọnikọ fiki udeme gheghe Devidi ọ sai ro kpe Goliat na ha, rekọ fiki ogaga Ọghẹnẹ.
IKUIGBE AVỌ 59
Onosoriẹ Nọ Devidi Ọ Jẹ Dhẹ
Eva Devidi e jẹ kake were Sọl, rekọ uwhremu na o te mukpahe iẹe te epanọ ọ rọ gwọlọ kpei no. Fikieme?
IKUIGBE AVỌ 60
Abigẹle Avọ Devidi
Abigẹle o se ọzae riẹ ohwo ogheghẹ, rekọ onana u siwi uzuazọ riẹ—evaọ omoke jọ.
IKUIGBE AVỌ 61
Arehọ Devidi Mu Ovie
Devidi o dhesẹ nọ o te ohwo nọ ọ rẹ jọ ovie Izrẹl evaọ eware nọ o ru gbe enọ ọ rọwo ru hu.
IKUIGBE AVỌ 62
Ukpokpoma Eva Uwou Devidi
Oware uyoma ọvo nọ Devidi o ru o wha uye sei avọ uviuwou riẹ soso evaọ ikpe buobu.
IKUIGBE AVỌ 64
Solomọn Ọbọ Tẹmple Na
Dede nọ Solomọn o wo areghẹ gaga, a tẹzẹ e riẹ ru oware ugheghẹ nọ u yoma gaga.
IKUIGBE AVỌ 67
Jehoshafat Ofievahọ Jihova
Fikieme eso-ile nọ e wha ekwakwa ẹmo ho e rọ karo kẹ egbaẹmo nọ i bi kpohọ ẹmo?
IKUIGBE AVỌ 68
Emezae Ivẹ Nọ Ewariẹ Zọ
Kọ a rẹ sae wariẹ kpare ohwo nọ o whu no zihe ze uzuazọ? O via ere no oke jọ!
IKUIGBE AVỌ 70
Jona Avọ Eri Ologbo Na
Jona o wuhrẹ oware nọ u ro wuzou re ohwo o ru oware nọ Jihova ọ ta.
IKUIGBE AVỌ 71
Ọghẹnẹ Ọyaeya Aparadase
Aparadase ọsosuọ na ọ jọ kakao; rekọ ọnana ọ te kẹre te otọakpọ na soso.
IKUIGBE AVỌ 72
Ọghẹnẹ Ofiobọhọ Kẹ Hẹzikaya Ovie
Evaọ aso ọvo, ukọ-odhiwu o kpe isoja 185,000 ahwo Asiria.
IKUIGBE AVỌ 73
Emamọ Ovie Urere Izrẹl
Uzoge gheghe Josaya ọ jọ nọ o ru oware jọ nọ u dhesẹ nọ ọ gudu ziezi.
IKUIGBE AVỌ 74
Ọzae Nọ Ozọ U Re Muẹhẹ
Jerimaya o roro nọ ọ maha vi ohwo nọ ọ rẹ jọ ọruẹaro, rekọ Ọghẹnẹ ọ riẹ nọ ọ rẹ sai ru iruo na.
IKUIGBE AVỌ 76
Araha Jerusalem
Fikieme Ọghẹnẹ ọ rọ kuvẹ re Babilọn nọ ọ rrọ ewegrẹ ahwo Izrẹl a raha Jerusalẹm?
