WHỌ riẹ onosoriẹ nọ ọzae ọnana ọ jẹ be lẹ se Ọghẹnẹ? Emejabọ ọ jẹ riẹ ebe enana fihọ otọ evaọ aruẹri Jihova? Ọzae na họ Hẹzikaya. Ọye họ ovie erua ivẹ obọze-ọre Izrẹl. Ọ tẹ jẹ rọ evaọ uye ulogbo. Fikieme?

Keme na ogbaẹmo Ahwo-Asiria araha erua 10 ẹkpẹlobọ-ọre Izrẹl no. Jihova ọ kẹ onana uvẹ re ovia fiki epanọ ahwo ọyena ayoma. Whaọ enẹna ogbaẹmo Ahwo-Asiria a tẹ wọ ohọre bru uvie erua-ivẹ na ze.

Ovie Asiria ọ nwani vi ebe se Hẹzikaya Ovie na. Ebe na ena Hẹzikaya ofi họ aro Ọghẹnẹ etenẹ na. Ebe na ebe-rehọ Jihova se ẹkoko, jẹ be ta kẹ Hẹzikaya nọ ọzo. Kọ ona osoriẹ nọ Hẹzikaya ọ jẹ lẹ: ‘O Jihova siwi omai no obọ ovie Asiria. Oke oye erẹwho na kpobi e rẹ te riẹ nọ whẹ ọvo họ Ọghẹnẹ.’ Kọ Jihova o ti yo kẹ Hẹzikaya?

Hẹzikaya yọ emamọ ovie. Ọ wọhọ ivie iyoma ọ uvie erua-10 Izrẹl he, hayo wọhọ ọsẹ oyoma riẹ Ahaz Ovie he. Hẹzikaya ọ nabe rehọ oma kpotọ yo izi Jihova kpobi. Fikiere nọ Hẹzikaya o ku ẹlẹ họ no, Aizaya ọruẹaro na o te vi ovuẹ onana no obọ Jihova sei: ‘Ovie Asiria ọ rẹ te tha obọ Jerusalem hu. Otu-ẹmo riẹ ọvuọvo o re ti fou kẹliẹe dede he. A rẹ te rehọ ose ovuọvo sa okpẹwho na ha.’

Rri ifoto nerọ ẹwẹ obe onana. Kọ whọ riẹ ahwo nọ otuẹmo owhowhu ọnana kpobi a rọ? A yehọ Ahwo-Asiria. Jihova o vi ukọ-odhiwu riẹ, yọ evaọ aso ọvo ukọ-odhiwu na o te kpe 185,000 otuẹmo Ahwo-Asiria. Fikiere ovie Asiria ọ tẹ dhẹ o te zihe kpo obọ uwou.

A te siwi uvie erua-ivẹ na, ahwo a te wo udhedhẹ omoke jọ. Rekọ oke nọ Hẹzikaya owhu nọ ọmọzae riẹ Manase o te zihe ruọ ovie. Manase gbe Amọn ọmọzae riẹ nọ unoi no ai mava ivie i yoma gaga. Fikiere otọ na o tẹ wariẹ vọ avọ umuomu gbe ogidi. Okenọ idibo obọ Amọn Ovie na akpei no, a tẹ rehọ Josaya ọmọzae riẹ mu ovie ọ rọ uvie erua-ivẹ na.