WHỌ riẹ oware nọ osoriẹ nọ ọzae ọnana ọjẹ be bẹre ewu riẹ ewewẹre? Jihova ọ ta kẹe nọ o rue’i. Ọzae ọnana Ahija ọruẹaro Ọghẹnẹ. Whọ riẹ otọ ọruẹaro? Ọye họ ohwo nọ Ọghẹnẹ ọ rẹ kake ta oware nọ o te via kẹ.

Ahija ọ rọ ẹme ẹ ta kẹ Jeroboam na. Jeroboam yọ ohwo nọ Solomọn o fihọ nọ ọsẹro iruo ebabọ riẹ jọ. Okenọ Ahija o zere Jeroboam evaọ edhere, Ahija o te ru oware okpokpọ. Ewu ọkpokpọ nọ okuhọ o te kue’i noma, ọ tẹ bẹriẹ kpohọ ewẹre 12. Ọ tẹ ta kẹ Jeroboam nọ: ‘Rehọ ewẹre 10 kẹ omara.’ Whọ riẹ oware nọ osoriẹ nọ Ahija ọ jẹ rehọ ewẹre 10 kẹ Jeroboam?

Ahija ọ fa riẹ nọ Jihova o bi ti mi Solomọn uvie na. Ọ tẹ ta nọ Jihova ọ be te rehọ erua 10 kẹ Jeroboam. Otọ onana họ erua ivẹ ọvo ibi ti kiọkọ kẹ Rehoboam ọmọzae Solomọn nọ o ti suẹ.

Okenọ Solomọn oyo oware nọ Ahija ọ ta kẹ Jeroboam, eva etẹ dhae gaga. Ọ tẹ dao re okpe Jeroboam. Rekọ Jeroboam ọ tẹ dhẹ kpo obọ Ijipti. Nọ oke jọ ovrẹ no Solomọn o te whu. Ikpe 40 ọjọ ovie, rekọ enẹna a tẹ rehọ Rehoboam ọmọzae riẹ mu ovie. Jeroboam ọ tẹ jọ obọ Ijipti yo nọ Solomọn owhu no, fikiere o te zihe ze obọ Izrẹl.

Rehoboam yọ emamọ ovie he. Otube yoma vi epanọ ọsẹ riẹ ọjarọ. Jeroboam avọ ahwo ologbo jọ a tẹ nya bru Rehoboam Ovie a tẹ ta kẹe nọ oru ahwo na ziezi. Rekọ Rehoboam o yo ho. Uzẹme nọ ọ zoma yoma vi epanọ ọjọ vẹre. Fikiere ahwo a tẹ rehọ Jeroboam mu ovie kẹ erua 10, rekọ erua ivẹ Bẹnjamin gbe Juda a tẹ gbẹ rehọ Rehoboam ru ovie rai.

Jeroboam ọ gbẹ gwọlọ nọ ahwo riẹ akpo bọ Jerusalem nyae gọ evaọ tẹmple Jihova ha. Fikiere ọ tẹ rehọ oro ma iruẹ ivẹ o te ru ahwo uvie erua-10 na mua’i họ ẹgọ. Ukri hi otọ na otẹ ze vọ avọ umuomu gbe ogidi.

Ukpokpoma orọ evaọ uvie erua-ivẹ na re. Nọ Rehoboam ọ ruọ ovie no u te ikpe isoi hi, ovie Ijipti ọ tẹ wọ ohọre ze Jerusalem. Ọ tẹ kua efe buobu no tẹmple Jihova kpo. Fikiere omoke kpẹkpẹ ọvo tẹmple na ọrọ jọ epanọ ọjarọ okenọ ato bọe.