ABỌ AVỌ 5
Noke Igbo evaọ Babilọn ri te Ọwariẹbọ Igbẹhẹ Jerusalem
Nọ Ahwo-Izrẹl ajọ igbo evaọ Babilọn, edawọ buobu i te orọwọ rai. Shedrak, Mishak gbe Abẹdinigo agboli rai fihọ egidi erae ọroro, rekọ Ọghẹnẹ o te si ai noize ekpokpọ. Uwhremuna, nọ ahwo Midia gbe Pasia afi Babilọn kparobọ no, a te gbolo Daniẹl fihọ ọgọdọ ikpohrokpo, rekọ Ọghẹnẹ ọ tẹ jẹ thọe uke nọ ọ rọ fare enu ikpohrokpo na.
Urere riẹ, Sairọs ovie Pasia o te si Ahwo-Izrẹl no igbo. Ikpe 70 a ro mua’i erigbo kpobọ Babilọn enwane gba no a te zihe ze obọ otọ-ẹwho rai. Oware ovo jọ nọ akaki ru oke nọ a zihe ze obọ Jerusalem họ ebabọ tẹmple Jihova nọ a muhọ. Dede na ukrihi ewegrẹ etẹ da iruo rai ji. Fikiere nọ a ziheze Jerusalem no oware wọhọ ikpe 22 evrẹ a te te ku tẹmple na họ ukuhọ ovo.
Ofariẹ, ma yo kpahe onya Ẹzra zihe kpobọ Jerusalem re ọruẹrẹ tẹmple na. Onana ojọ oware kerọ ikpe 47 nọ aku tẹmple họ no. Kẹsena, ikpe 13 nọ onya Ẹzra ovrẹ no, Nehemaya o te fiobọhọ re awariẹ bọ igbẹhẹ Jerusalem nọ ikporo fihọ otọ. Abọ Avọ ISOI ọrehọ iku-igbe ikpe 152 ri te oke onana.
ENỌ E RRỌ OFẸ NANA
IKUIGBE AVỌ 77
Arọwo Kigwẹ Te Otọ Họ
Kọ Ọghẹnẹ o ti siwi imasa nana nọ i bi yoẹme kẹe na no ebruerae na?
IKUIGBE AVỌ 80
Ahwo Ọghẹnẹ Anyano Babilọn
Sairọs ovie Pasia o ru eruẹaruẹ jọ gba evaọ okenọ o fi Babilọn kparobọ, yọ obọnana o bi ru eruẹaruẹ ọfa jọ gba re.
IKUIGBE AVỌ 81
Eva Ifihọ Obọufihọ Ọghẹnẹ
Re ahwo Izrẹl a sai yoẹme kẹ Ọghẹnẹ, a ru oware nọ ahwo a ta ha. Kọ Ọghẹnẹ ọ te ghale ae?
IKUIGBE AVỌ 82
Mọdekae Avọ Ẹsta
Vashti aye ovie na o wo erru, rekọ Ahasuirọs ovie na ọ rehọ Ẹsta aye ọkpokpọ riẹ ro nwene ẹta riẹ. Fikieme?
IKUIGBE AVỌ 83
Igbẹhẹ Jerusalem
Nọ a be bọ ugbẹhẹ na, o gwọlọ nọ iruiruo na a re kru egbọdọ gbe izuẹ rai te aso te uvo.
