Rehọ emamọ ubiẹro rri ahwo nọ a be gaviezọ kẹ owhẹ na. Riẹ nọ inievo ra a gwọlọ ru eva were Jihova. O tẹ make gwọlọ nọ whọ rẹ kẹ ae ohrẹ, hae kaki jiri ai no eva ze ẹsikpobi nọ o tẹ lọhọ.

Whọ ta eware nọ e nyathọ buobu hu. Otẹrọnọ u ti ru emamọ ẹjiroro jọ gba ọvo whọ jẹ ta eware jọ nọ e nyathọ. Ru ẹme na oghẹrẹ nọ a rẹ mae rọ kareghẹhọ uduotahawọ nọ a wo noi ze.

Si eme ra no Ebaibol ze. Dhesẹ oware nọ Jihova o ru no, onọ o bi ru enẹna, gbe enọ o ti ru kẹ ahwo-akpọ evaọ obaro. Ta ẹme nọ ọ rẹ kẹ ahwo nọ a be gaviezọ kẹ owhẹ na ẹruore gbe udu.