Wuhrẹ ẹme ra ziezi. Riẹ oware nọ whọ be te ta ẹme kpahe na ziezi, te epanọ whọ sae rọ rehọ edhere ọlọlọhọ gbe eme obọra ru ei vẹ.

Ta eme ekpẹkpẹe gbe eme elọlọhọ. Dede nọ o thọ họ re ohwo ọ ta ẹme othethei ẹsiẹvo, rehọ eme ekpẹkpẹe rọ ta ugogo eware nọ i wuzou na.

Fa otọ eme nọ ahwo a riẹ hẹ. Daoma whaha eme nọ ahwo a riẹ otọ rai hi. Otẹrọnọ o gbahọ nọ whọ rẹ fodẹ oware jọ nọ ahwo buobu a riẹ hẹ, ohwo hayo omama jọ nọ a fodẹ evaọ Ebaibol, oghẹrẹ nọ a jẹ hae rọ ma hayo wawọ eware evaọ oke anwae, hayo uruemu anwae jọ, ru ei vẹ.