UWUHRẸ AVỌ 2
Ẹmeọta-Kugbe Omọfa
2 Ahwo Kọrint 2:17
OWARE NỌ O GWỌLỌ: Ta ẹme na oghẹrẹ nọ whọ be hae ta ẹme kẹdẹ kẹdẹ, ta ẹme na no eva ra ze evaọ oghẹrẹ nọ u re dhesẹ epanọ oware nọ whọ be ta na gbe ahwo nọ a be gaviezọ kẹ owhẹ na a rrọ owhẹ oma.
EPANỌ A RE RO RU EI:
-
Nabe lẹ jẹ ruẹrẹ oma kpahe ziezi. Lẹ se Ọghẹnẹ re o fiobọhọ kẹ owhẹ tẹrovi ovuẹ na orọnikọ omara ha. Ruẹ nọ whọ nabe riẹ igogo eware nọ whọ gwọlọ ta kpahe na vevẹ. Rọ eme obọra ta ẹme; who se eme nọ e rrọ obe nọ whọ be rọ kẹ ovuẹ ra na unọjọ utọjọ họ.
-
Ta eme ra no udu ze. Roro kpahe oware nọ u ro fo nọ ahwo nọ a be gaviezọ kẹ owhẹ na a re yo ovuẹ ra na. Roro kpahe ahwo na. Kẹsena edikihẹ ra, oghẹrẹ omarọtẹme ra gbe ovao ra i ve dhesẹ uvi isiuru gbe uyoyou nọ who wo kẹ ahwo na.
-
Rri ahwo nọ a be gaviezọ kẹ owhẹ na. Hai rri ovao ahwo nọ whọ be ta ẹme kẹ na otẹrọnọ a re ru ere evaọ oria ra. Whọ tẹ be kẹ ovuẹ, hae rri ovao ogbotu ahwo na omomọvo viukpenọ who re rri ogbotu na kpobi ẹsiẹvo hayo kpare ovao rri ogbotu na wariẹ ọvo.
