“Omuomu na ọ be kpọ akpọ na soso.”​—1 Jọn 5:19.

“Ọmọ Ọghẹnẹ ọ nyaze . . . re ọ raha iruo Ẹdhọ.”​—1 Jọn 3:8, efafa New Century Version.

O rẹ lẹliẹ owhẹ riẹ oware nọ o soriẹ nọ ebẹbẹ i ro bu akpọ na te enẹ.​—Eviavia 12:12.

U re fiobọhọ kẹ owhẹ wo imuẹro nọ akpọ na o ti nwene evaọ obaro.​—1 Jọn 2:17.

Ee, fiki eware esa jọ:

• A te raha esuo Setan no. Jihova ọ te rọ esuo Setan te oba. Ọ ta nọ ọ te “raha . . . Ẹdhọ” no riẹriẹriẹ, je si okpẹtu nọ ọ wha ze kpobi no otọ.​—Ahwo Hibru 2:14, Efafa Akpọ Ọkpokpọ.

• Ọghẹnẹ ọ salọ Jesu no re ọ jọ osu akpọ na. Jesu o wo ohẹriẹ gaga no Setan Ẹdhọ na, osu akpọ na nọ ọ vọ avọ evega gbe oriobọ na. Ọghẹnẹ ọ ya eyaa kpahe isuẹsu Jesu inọ: “Ọ te re ohrọ oruori na gbe oyogbe na . . . O ti siwi ai no okienyẹ gbe ozighi.”​—Olezi 72:13, 14.

• Ọghẹnẹ ọ rẹ ta ọrue he. Ebaibol na ọ ta nọ: “Ọghẹnẹ ọ sae . . . ta ọrue he.” (Ahwo Hibru 6:18) Jihova ọ tẹ ya eyaa nọ o ti ru oware jọ, oware ovo o rẹ whaha iẹe he. (Aizaya 55:10, 11) “A ti le osu akpọ nana no.”​—Jọn 12:31.