“Ọghẹnẹ . . . o ti ririe irui-oviẹ kpobi no aro rai, uwhu o gbẹ te jọ ofa ha, yọ uweri hayo oviẹ hayo edada e gbẹ te jọ ofa ha. Eware anwae na e vrẹ no.”​—Eviavia 21:3, 4, Efafa Akpọ Ọkpokpọ.

Who ti ru iruo nọ e rẹ kẹ owhẹ evawere.​—Aizaya 65:21-23.

Ẹyao gbe uye-oruẹ e gbẹ te jọ ofa ha.​—Aizaya 25:8; 33:24.

Whẹ avọ uviuwou gbe egbẹnyusu ra wha te rria bẹdẹ bẹdẹ jẹ wereva kugbe.​—Olezi 37:11, 29.

Ee, fiki eware ivẹ jọ:

• Ọghẹnẹ o wo ẹgba nọ o re ro ru eyaa na gba. Jihova ọvo a jọ Ebaibol na se Ọghẹnẹ “Erumeru,” keme ogaga riẹ u wo umuo ho. (Eviavia 15:3) Fikiere o wo ogaga nọ ọ sai ro nwene akpọ na zihe ruọ ọkpokpọ. Ebaibol na ọ ta nọ: “Ọghẹnẹ ọ rẹ sai ru eware kpobi.”​—Matiu 19:26.

• Ọghẹnẹ ọ gwọlọ ru eyaa na gba. Jihova ọ gwọlọ kpare ahwo nọ a whu no zihe ziọ uzuazọ.​—Job 14:14, 15.

  Ebaibol na ọ tẹ jẹ ta nọ Jesu, Ọmọ Ọghẹnẹ o siwi ahwo nọ a jẹ mọ. Fikieme o ro ru ere? Keme u no rie eva ze. (Mak 1:40, 41) Jesu ọ jẹ hae gwọlọ fiobọhọ kẹ ahwo nọ a wo ebẹbẹ, jẹ rọ ere rọ aro kele Ọsẹ riẹ.​—Jọn 14:9.

  Fikiere o rẹ sai mu omai ẹro nọ Jihova avọ Jesu a gwọlọ fiobọhọ kẹ omai wo uzuazọ ebẹdẹ bẹdẹ nọ ma te jọ wereva.​—Olezi 72:12-14; 145:16; 2 Pita 3:9.