Ẹvẹ Who Rri Ebaibol Na?
Kọ who rri rie wọhọ . . .
-
obe ahwo-akpọ gheghe?
-
obe iku-esia?
-
manikọ Ẹme Ọghẹnẹ?
OWARE NỌ EBAIBOL NA Ọ TA
“Ẹkwoma ẹzi Ọghẹnẹ a ro kere Ikereakere na kpobi.”—2 Timoti 3:16, Efafa Akpọ Ọkpokpọ.
IRERE NỌ I RE TE OWHẸ NỌ WHỌ TẸ RỌWO NỌ EBAIBOL NA YỌ ẸME ỌGHẸNẸ
U ti fiobọhọ kẹ owhẹ ruẹ iyo enọ jọ nọ i wuzou gaga evaọ uzuazọ.—Itẹ 2:1-5.
Whọ te jọ eva riẹ ruẹ ehrẹ nọ e te kpọ owhẹ evaọ uzuazọ.—Olezi 119:105.
Who ti wo obọdẹ ẹruore.—Ahwo Rom 15:4.
KỌ MA SAI GINE FIEVAHỌ OWARE NỌ EBAIBOL NA Ọ TA?
Ee, fiki eware esa jọ:
-
Oma Ebaibol na kpobi o rọwokugbe. Ezae 40 i kere Ebaibol na, yọ o rehọ etoke nọ o vrẹ ikpe odu ọvo gbe egba ezeza (1,600). Ibuobu ahwo nana a ruẹ ohwohwo ẹdẹvo ho. Ghele na, oma Ebaibol na soso o rọwokugbe, yọ uzoẹme ovo o dhẹ riẹ duwu.
-
Ikuigbe uzẹme. Nọ otu nọ o re gbiku a tẹ be ta kpahe orẹwho rai, a rẹ ta kpahe eware nọ i kie kpe ai hi. Rekọ ahwo nọ a kere Ebaibol na a kere kpahe ethobọ obọrai gbe erọ orẹwho rai.—2 Iruẹru-Ivie 36:15, 16; Olezi 51:1-4.
-
Eruẹaruẹ nọ a re fievahọ. Ebaibol na ọ ruẹaro kpahe ọraha nọ o ti te okpẹwho Babilọn. A ruẹaro nana fihotọ ikpe udhusoi akuava (200) taure o tẹ te via. (Aizaya 13:17-22) Orọnikọ eruẹaruẹ na e ta kpahe oghẹrẹ nọ a te rọ raha Babilọn ọvo ho, rekọ e tubẹ fodẹ odẹ ovie nọ ọ te raha iẹe.—Aizaya 45:1-3.
Eruẹaruẹ efa buobu evaọ Ebaibol na e r’obọ kotọ rugba re. Kọ o gbẹ ginẹ rọnọ enẹ Ẹme Ọghẹnẹ ọ rẹ jọ?—2 Pita 1:21.
RORO KPAHE ONỌ NANA
Ẹvẹ Ebaibol na ọ sai ro fiobọhọ kẹ owhẹ yeri emamọ uzuazọ?
Ebaibol na ọ kẹ uyo onọ yena evaọ AIZAYA 48:17, 18 gbe 2 TIMOTI 3:16, 17.
Enana E Sae jẹ Were Owhẹ
ENỌ NỌ EBAIBOL Ọ KẸ IYO RAI
Eme Họ Ebaibol Na?
Se obọdẹ eware jọ kpahe Ebaibol na nọ ovuẹ Ọghẹnẹ ọ rrọ eva na.
ENỌ NỌ EBAIBOL Ọ KẸ IYO RAI
Eme Ọ rẹ Sai Fiobọhọ kẹ Owhẹ Wo Otoriẹ Ebaibol Na?
Whọ rẹ sai wo otoriẹ ovuẹ nọ o rrọ Ebaibol na.
IWUHRẸ EBAIBOL NỌ I WUZOU
Kọ Eme Ebaibol na Uzẹme?
Otẹrọnọ Ọghẹnẹ o wo Ebaibol na, kiyọ o re wo ohẹriẹ no ebe efa kpobi nọ a kere no.
USI UWHOWHO OBỌDẸ
Fikieme Who re ro Wuhrẹ Ebaibol Na?
Ima ahwo buobu a be jọ Ebaibol na ruẹ iyo enọ nọ i wuzou evaọ uzuazọ. Kọ who gbe ru epọvo na re?
KPAHE OMAI
Yare nọ Isẹri Jihova A Nyabru Owhẹ Ze
Wha te ta ẹme kpahe onọ Ebaibol na jọ, hayo whọ te riẹ ahwo nọ Isẹri Jihova a rrọ.
