Ma yere owhẹ gaga nọ whọ rọ romatotọ se ibroshọ nana, re whọ riẹ kpahe oghẹrẹ ahwo nọ mai Isẹri Jihova ma rrọ, epanọ iruẹru mai e rrọ, gbe iruo nọ ukoko mai u bi ru. U mu omai ẹro inọ ibroshọ nana u fiobọhọ kẹ owhẹ vuhumu no inọ mai họ ahwo nọ a bi ru oreva Ọghẹnẹ nẹnẹ. Ma be tuduhọ owhẹ awọ inọ who gbe wuhrẹ kpahe Ọghẹnẹ, ta kẹ ahwo uviuwou gbe egbẹnyusu ra kpahe eware nọ who bi wuhrẹ, jẹ daoma hai kpohọ iwuhrẹ ukoko mai kẹse kẹse.​—Ahwo Hibru 10:23-25.

Whọ te ruẹ nọ epanọ who wuhrẹ kpahe Jihova te, ere whọ te ruẹ epanọ o gine you owhẹ te. Kẹsena, oma o vẹ te wọ owhẹ re whọ daoma kpobi dhesẹ nọ who you rie re. (1 Jọn 4:8-10, 19) Rekọ ẹvẹ whọ sai ro dhesẹ nọ who you Ọghẹnẹ evaọ uzuazọ ikẹdẹ kẹdẹ ra? Irere vẹ who re wo nọ who te bi koko izi riẹ nọ e ta kpahe emamọ uruemu? Kọ eme o ti fiobọhọ kẹ owhẹ kuomagbe omai ru oreva Ọghẹnẹ? O te were oniọvo nọ o bi wuhrẹ Ebaibol kugbe owhẹ na re o fiobọhọ kẹ owhẹ ruẹ iyo na, re whẹ avọ uviuwou ra wha “gbe ru eware nọ Ọghẹnẹ o re ro you owhai, . . . nọ o te wha uzuazọ ebẹdẹ bẹdẹ ze.”​—Jud 21.

Ma tuduhọ owhẹ awọ inọ gbe ru ẹnyaharo evaọ uzẹme na ẹkwoma obe nana nọ who re wuhrẹ: Ru Eware nọ Ọghẹnẹ O re ro You Owhẹ.