Abọ 5

Ọghẹnẹ Ọ Ghale Abraham avọ Uviuwou Riẹ

Akpọ o woma kẹ uyẹ Abraham. Ọghẹnẹ ọ thọ Josẹf evaọ Ijipti

JIHOVA ọ riẹ nọ Ọmọ riẹ nọ ọ mae ghare iẹe obọ ọ te ruẹ uye je whu ẹdẹjọ. Eruẹaruẹ nọ a kere fihọ Emuhọ 3:15 na o kaunu te oyena. Kọ Ọghẹnẹ ọ te sai ru ahwo-akpọ riẹ oware nọ uwhu ọmọ ọghaghae riẹ yena o te rehọ mi ei? Ebaibol e rehọ oware nọ o via kẹ ọsẹ jọ avọ ọmọ riẹ rọ kẹ omai oriruo onana. Ọghẹnẹ ọ ta kẹ Abraham inọ ọ rọ Aiziki, ọmọ oyoyou riẹ, dhe idhe.

Abraham o wo ẹrọwọ ologbo. Kareghẹhọ inọ Ọghẹnẹ ọ ya eyaa kẹe no vẹre inọ Osiwi hayo Ubi nọ a ya eyaa riẹ na o ti no uyẹ Aiziki ze. Fikinọ o wo ẹrọwọ inọ Ọghẹnẹ ọ sae kpare Aiziki ze nọ o tẹ gwọlọ ere, Abraham o yoẹme Ọghẹnẹ jẹ ruẹrẹ oma kpahe re ọ rọ ọmọ riẹ na dhe idhe. Rekọ ẹnjẹle Ọghẹnẹ ọ tẹ dae obọ ji evaọ ẹruoke. Ọghẹnẹ o jiri Abraham kẹ unevaze nọ ọ jẹ te rọ rehọ ọmọ ọghaghae riẹ dhe idhe, jẹ wariẹ eyaa nọ ọ yaa kẹ odibo riẹ nana nọ o wo ẹrọwọ na.

Uwhremu na Aiziki o te yẹ emọ ivẹ, Esọ avọ Jekọp. Wo ohẹriẹ no Esọ, Jekọp o se eware abọ-ẹzi gboja, Ọghẹnẹ ọ tẹ ghale iẹe. Ọghẹnẹ o nwene odẹ Jekọp kpohọ Izrẹl, yọ emezae ikpegbivẹ riẹ a zihe ruọ esẹ-erua Izrẹl. Rekọ ẹvẹ uviuwou yena u ro zihe ruọ orẹwho ulogbo?

Eware buobu i lele i rie okenọ ibuobu emezae na a jẹ re Josẹf, oniọvo ọmaha rai ihri. A zẹ riẹ wọhọ ọrigbo, ahwo nọ a zẹ riẹ kẹ a tẹ whae kpohọ Ijipti. Rekọ Ọghẹnẹ ọ ghale ọmoha yena nọ o wo udu avọ ẹrọwọ na. Dede nọ eware egaga e via kẹ Josẹf, uwhremu na o wo aruoriwo Fẹro ovie Ijipti, ọnọ ọ kẹ riẹ ọkwa ologbo. Oyena o via evaọ ẹruoke keme ohọo nọ u je mu u ru nọ Jekọp o ro vi emọ riẹ jọ kpohọ Ijipti nyae dẹ emu—yọ wọhọ oware nọ Ọghẹnẹ o re ru na, Josẹf ọ jọ ọnọ o wuzou emuore Ijipti kpobi! Nọ ọyomariẹ avọ inievo riẹ nọ i nwene udu no na a vuhu oma je dede ohwohwo no, Josẹf ọ tẹ rọvrẹ ai je ru ọruẹrẹfihotọ nọ a rọ rehọ uviuwou na kpobi ziọ Ijipti. A tẹ kẹ ae otọ uwoma, oria nọ a je jo bu je wo ẹvi. Josẹf o vuhumu nọ Ọghẹnẹ ọ kpọ eware oghẹrẹ utioye re ẹjiroro Ọghẹnẹ ọ ruẹsi rugba. Jekọp nọ ọ kpako no na ọ jọ Ijipti yeri uzuazọ riẹ nọ u kiọkọ kpobi, avọ uviuwou riẹ nọ o wariẹ e riẹ họ. Nọ ọ kẹle uwhu no, ọ tẹ ta inọ Ubi hayo Osiwi nọ a ya eyaa riẹ na ọ be te jọ Osu ologbo, ọnọ o ti no uyẹ ọmọ riẹ nọ a re se Juda ze. Taure Josẹf omariẹ o te ti whu uwhremu na, ọ ta inọ oke o be tha nọ Ọghẹnẹ ọ te rọ rehọ uviuwou Jekọp no Ijipti.

—Wọhọ epanọ o rrọ obe Emuhọ uzou avọ 20 rite orọ avọ 50; Ahwo Hibru 11:17-22.

◼ Eme Ọghẹnẹ ọ ta kẹ Abraham nọ o ru, kọ eme Ọghẹnẹ ọ rọ onana dhesẹ kẹ ahwo-akpọ?

◼ Ẹvẹ Josẹf ọ rọ ziọ Ijipti, kọ eme ọ via ukuhọ riẹ?

◼ Taure Jekọp o te ti whu, eme ọ ta inọ o te via evaọ obaro?

[Uwoho nọ e rrọ ẹwẹ-obe avọ 8]

● Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Itẹ

Ọtausiuwoma Na

Ole nọ O Vi Ile

Aizaya

Jerimaya

Enuobro

Izikiẹl

Daniẹl

Hosia

Joẹl

Emọs

Obedaya

Jona

Maeka

Nahum

Habakuk

Zefanaya

Hagai

Zekaraya

Malakae

Matiu

Mak

Luk

Jọn

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika

2 Ahwo Tẹsalonika

1 Timoti

2 Timoti

Taitọs

Filimọn

Ahwo Hibru

Jemis

1 Pita

2 Pita

1 Jọn

2 Jọn

3 Jọn

Jud

Eviavia